溝原ぬ石道（糸満市）

　石畳（いしだたん）んでぃ言いねえ、首里金城（しゅいかなぐしく）町ぬ石畳や観光地（くぁんくうち）成いるあたい、音（うとぅ）に立っちょおしが、戦前迄（いくさめえまで）え沖縄（うちなあ）ぬまあにんあたん。戦なかい壊（くう）さってぃ、うぬまあまあ、草木（くさきい）なかいけえ覆（うす）らってぃ、やまけえとおる所（とぅくま）んあれえ、新石（みいいし）んかい変（け）えらっとおる所ん、またアスファルトんかい造（つく）いんかい変えらっとおる所んあん。くま溝原（んずばる）ぬ道んかいや昔（んかし）ぬままぬ石畳ゆ残（ぬく）とおる所お残ち、壊りとおる所おアスファルト貼（は）てえん。やしが、今（なま）あ新道（みいみち）ぬ造らり強（づう）さぬ、くまぬ道え、くまぬ部落（しま）ぬ人（ちゅ）んちゃあくうとお、誰（たあ）ん通（とぅう）らん裏道んかいどぅけえ成とおる。

2010年8月1日投稿分

【語句】
石畳んでぃ言いねえ＝石畳といえば。琉球王朝時代には宿道（幹線道路）をはじめ主な道は石畳で舗装されていた。
首里金城町ぬ石畳や＝首里金城町の石畳は。
観光地成いるあたい＝観光名所になるほどに。
音に立っちょおしが＝有名であるが。
戦前迄え沖縄ぬまあにんあたん＝沖縄のどこにでもあった。
戦なかい壊さってぃ＝戦争で破壊され。
うぬまあまあ、草木なかいけえ覆らってぃ＝そのまま草木に覆われしまい。「けえ」は「～しまう」の意味の副詞で、動詞の前につく。
やまけえとおる所んあれえ＝原野になってしまった所もあれば。「やま」は「野生」の意味合いが強く、「やま」の意味は薄い。「やま猫」は「野生の猫」の意味。「やま学校」は「学校をサボって山野で時間を過ごすこと」。
新石んかい変えらっとおる所ん＝新石に変えられた所も。
またアスファルトんかい＝またアスファルトに。
造いんかい変えらっとおる所んあん＝造り変えられた所もある。
くまぬ道んかいや＝この道には。
昔ぬままぬ石畳ゆ＝昔のままの石畳を。
残とおる所お残ち＝残った所は残し。
壊りとおる所おアスファルト貼てえん＝壊れている箇所はアスファルトを貼ってある。
やしが、今あ＝だが、今は。
新道ぬ造らり強さぬ＝新道が建設され過ぎて。
くまぬ道え＝ここの道は。
くま溝原ぬ部落ぬ人んちゃあくうとお＝ここ溝原の部落の人々以外は。
誰ん通らん＝誰も通らない。
裏道んかいどぅけえ成とおる＝裏道になってしまっているのだ。「どぅ」は前語を強調する助詞で、次にくる「成とおん」はその連体形「成とおる」で結ぶ。