屋良座森城（那覇市）

　那覇港（なふぁんなとぅ）んかい出島ぬ如（ぐと）おぬ屋良森城（やらざむいぐしく）ぬあん。
　琉球画はじみ西洋画んかいん描かっとおるあたい昔（んかし）え、ちゅら城（ぐしく）やたしが、今（なま）あ、沖縄戦とぅか米軍港造（ちゅく）ゆる為（たみ）なかい、けえ壊（くう）さってぃ、昔ぬ面影（うむかじ）え何（ぬう）ん無（ね）えらん。
　港んかいあたる大岩（うふしい）とぅ陸（あぎ）ぬ間（ゑえだ）ゆ埋立（うみた）てぃ繋（ちな）じ、造（ちゅく）てえるむんでぃ思（うま）ありいん。
　昔え港ぬくりかあんかいあたる三重城（みいぐしく）＝今ぬロワジールホテルぬ裏ぬはた）とぅまじゅん船送所（ふなうくいどぅくる）やたん。今ぬコンクリート港やか昔ぬ港がる、じょういちゅらむんやたる。

 2011年4月1日投稿分

【語句】
那覇港んかい＝那覇港に。
出島ぬ如おぬ屋良森城ぬあん＝出島のような屋良座森城がある。
琉球画はじみ西洋画んかいん＝琉球画はじめ西洋語にも。
描かっとおるあたい＝描かれるほど。
昔え、ちゅら城やたしが＝昔は美しい城であったが。
今あ＝今は。
沖縄戦とぅか米軍港造ゆる為なかい＝沖縄戦や米軍港を造るために。
けえ壊さってぃ＝壊されてしまい。「けえ」は「～してしまう」の意味の副詞で動詞の前に付く。
昔ぬ面影え何ん無えらん＝昔の面影は何もない。
港んかいあたる大岩とぅ陸ぬ間）ゆ＝港にある大岩と陸の間を。
埋立てぃ繋じ＝埋立て繋ぎ。
造てえるむんでぃ思ありいん＝建設されたものと思われる。
昔え港ぬくりかあんかいあたる＝昔は（写真の）こちら側にあった。
三重城（今ぬロワジールホテルの裏側）と共に。
船送所やたん＝船を見送るところだった。
今ぬコンクリート港やか＝今のコンクリート港より。
昔ぬ港がる＝昔の港こそ。「る」は強調を表わす助詞「どぅ」の清音。
じょういちゅらむんやたる＝とても美しいものだった。「やたる」は前の強調助詞「る」を受けて連体形で結んだもの。