三重城（那覇市）

　♪三重城（みぐしく）に登（ぬぶ）てぃ、手巾（てぃさじ）見上（みあ）ぎりば、早船（はや）ぬなれや、一目（ちゅみ）どぅ見（み）ゆる♪（花風節）。
　♪三重城に登てぃ、うち招（まに）く扇（をぅおじ）、又ん廻（みぐ）り来（ち）てぃ、結（むし）ぶ御縁（ぐいん）♪（本花風節）。
　あんし歌わりたる三重城（みいぐしく）（（ロワジールホテルぬ西（いり）むてぃいんかいあん）や、昔（んかし）え船送（ふなをぅ）いすぬ所（とぅくる）やたん。「花風節（はなふうぶし）」え、夫（をぅとぅ）んあらん愛（かな）し思里（うみさとぅ）ゆ送（をぅく）ゆる歌やんでぃぬ事（くとぅ）。
　どぅく船（ふに）ぬ早（ふぇえ）さぬ、「一目どぅ見ゆる」んでぃぬ歌詞（くとぅば）え、うぬ節（ふし）とぅ共（とぅむ）に肝（ちむ）ちゃあがなさん。
　「花風節」ぬ踊（をぅどぅ）いや、ちゅらんかあぎくうとお、踊（をぅどぅ）てえならんでぃぬ伝（ちてえ）え話迄（までぃ）あん。

 2011年4月15日投稿分

【語句】
三重城に登てぃ＝三重城に登り。琉歌では韻を優先し「みぐしく」となるが、口語では「みいぐしく」。
手巾見上ぎりば＝ハンカチを見上げれば。琉歌では韻を優先し「てぃさじ」となるが、口語では「てぃいさあじ」である。
早船ぬなれや＝船足が速く。「なれ」は「なり」ともいい、（速く走る）「習慣」の意味。
一目どぅ見ゆる＝一目しか見ることができない。「どぅ」は前語を強調する助詞で、次にくる「見ゆん」は連体形で結ばれて、「見ゆる」となる。
花風節＝琉球古典民謡。歌詞は琉歌形式（八、八、八、六の韻で歌う）。
三重城に登てぃ＝上参考。
うち招く扇＝招くように振る扇。「招く」は文語。「まぬく」ともいう。
又ん廻り来てぃ＝再び、めぐり来て。「来てぃ」は文語。口語では「～来（ち）」。
結ぶ御縁＝結ぶ御縁。
本花風節＝琉球古典民謡。琉歌形式で歌われている。元々は「花風節」であるが、上の「花風」が新作されたために、古い「花風」は「本花風」と「歌名」が変えられた？。
あんし歌わりたる三重城や＝そのように歌われた三重城は。
ロワジールホテルぬ西むてぃいんかいあん＝ロワジールホテルの西側にある。
昔え船送いすぬ所やたん＝昔は出船を見送る場所だった。
「花風節」え＝「花風節」は。
夫んあらん愛し思里ゆ＝夫でもない彼氏を。「思里」は恋人。「里（さとぅ）」も同じ意味。
送ゆる歌やんでぃぬ事＝見送る歌だという事だ。
どぅく船ぬ早さぬ＝あまりにも船足が速いので。
「一目どぅ見ゆる」＝一目しかみえない。
んでぃぬ歌詞え＝という歌詞は。
うぬ節とぅ共に＝その曲とともに。「節」は「曲、メロディー」。
肝ちゃあがなさん＝寂しくうら悲しい。
「花風節」ぬ踊いや＝「花風節」の踊りは。
ちゅらんかあぎくうとお＝美人以外は。「ちゅらんかあぎ」は「ちゅらかあぎ（美人）」の敬称。
踊てえならんでぃぬ＝踊ってはいけないとの。
伝え話迄あん＝言い伝えがある。