写真（しゃしん）やくぬ前（めえ）ぬうちなあ暦（ぐゆみ）ぬ3月（ぐゎち）16日（にち）ぬスーパームーン。
うちなあ歌（うた）うてぃ歌あらっとおしえ、花（はな）とぅ月（ちち）とお、何（ぬう）や多（うふ）さらあ。
「花」や「女（ゐなぐ）」、「年頃（とぅしぐる）」表（あら）わす事（くとぅ）んあしが、「月」え、いいくる「恋（くい）」、「浮世（うちゆ）」んでえとぅ関（かが）なゆん。
月え毛遊（もうあし）びんでえ、揃（すり）てぃ遊（あし）ぶる若者達（わかむんちゃあ）にとぅてえ、ぬしかてぃ欲（ふ）しゃるむぬんやん。
「あんだぎなあぬ月いぬ夜、我がけえら遊びようら」（月ぬかいしゃ節）。
やしが、恋忍（くいしぬ）ぶばあや、ぬしかてえ済（し）まんむぬんやん。
「忍（しぬ）ぶ夜（ゆ）や月（ちち）ん心（くくる）あてたぼり」（新殿様節）。
又（また）、月んかい恐（うとぅ）るしい事（くとぅ）言（ゆ）る歌んあん。
「月に願（ぐゎん）たてぃてぃ（略）、思（うむ）いすとぅ我（ば）んとぅ行逢（いちゃ）しゆ給（た）ぼり。
思いすとぅ我んとぅ行逢さんどぅんあらば、あたら我が命取（ぬち）らば如何（ちゃ）すが」（月ぬまぴろま節）…。
【語句】
写真やくぬ前ぬうちなあ暦ぬ3月16日ぬスーパームーン＝写真はこの前の旧3月16日のスーパームーン。
うちなあ歌うてぃ歌あらっとおしえ、花とぅ月とお＝沖縄の歌で歌われているのは「花」と「月」とで
何や多さらあ＝いずれが多いだろうか。
「花」や「女」、「年頃」表わす事んあしが＝「花」は「女」や「年頃」を表すこともあるが、
「月」え、いいくる「恋」、「浮世」んでえとぅ関なゆん＝「月」は概ね「恋」、「浮世」等と関係する。
月え毛遊びんでえ、揃てぃ遊ぶる若者達にとぅてえ＝月は原遊び等、集団で遊ぶ若者らにとっては、
ぬしかてぃ欲しゃるむぬんやん＝出てほしいものである。
「あんだぎなあぬ月いぬ夜」＝「あれだけの月夜だし」、
「我がけえら遊びようら」（月ぬかいしゃ節）＝「我ら遊ぼうではないか」（月ぬかいしゃ節）。
やしが、恋忍ぶばあや、ぬしかてえ済まんむぬんやん＝だが忍び恋の場合は出ては困るものでもある。
「忍ぶ夜や月ん心あてたぼり」（新殿様節）＝「（恋）忍ぶ夜はお月さんも気遣ってくれ」（新殿様節）。
又、月んかい恐るしい事言る歌んあん＝また、月に対して恐ろしい事を言ってのける歌もある。
「月に願たてぃてぃ（略）、思いすとぅ我んとぅ」＝「月に願いを立てて（略）、思う人と私と」
「行逢しゆ給ぼり」＝「逢わせてください」。
「思いすとぅ我んとぅ行逢さんどぅんあらば」＝「思う人と私を逢わさず」
「あたら我が命取らば如何すが」（月ぬまぴろま節）＝「私が自ら大事な命を絶てば、どうするかつもりか」（月ぬまぴろま節）…。
この記事へのコメント