コロナ世ぬ国際通り(那覇市)

国際通り1小.jpg

 写真(しゃしん)や4月(しんぐゎち)30日(にち)ぬ午後4時半まんぐるぬ国際通りなとおん。
 苦世(にがゆう)なやあに、シャッターぬ下(う)るさっとおる訳(わき)えあらん。
 国際通りえ沖縄(うちなあ)んじえ一番(いちばん)、むてい栄(ざけ)いそおる所(とぅくる)。
 新(みい)コロナウイルスぬ障(さわ)いなかい店(まちや)ぬあるっさ、閉(し)みい勝負(しゅうぶ)すんねえし、シャッターぬ下るさっとおん。
 ゴールデンウィークぬ最中(せえちゅう)んでぃる言(い)ちゃる、人(ちゅ)ん車(くるま)ん、いいくる居(をぅ)らん。
 儲(もう)き尽(じく)くぬならんあれえ、如何(ちゃあ)し食(くぇ)え口(くち)ぬなゆが。
 新コロナがあんしゅか迄(までぃ)ん、人ぬ暮(く)らし壊(くう)ち歩(あ)っちゅがやあんでぃん思(うむ「)ゆん。
 今(なま)ぬ世(ゆう)や誰(たあ)ん免疫(みんいち)持(む)ちぇえ居らん新ウイルスぬ出(ん)じいねえ、今ぬ世ぬ医者(いしゃ)とぅか病院(びょういん)でえぬ備(すな)わいしえ、くめえきてぃ分別(ぶんびち)ぬならんでぃ言(ゆ)る事(くとぅ)がどぅ、一番ぬ恐(うとぅ)るしむんやる事ぬ分(わ)かたん。
 念入(にんい)りてぃ考(かんげ)え様(よう)、頑丈(がんじゅう)らさんでえ…。

【語句】
写真や4月30日ぬ午後4時半まんぐるぬ国際通りなとおん=写真は4月30日午後4時半ごろの国際通りである。
苦世なやあに、シャッターぬ下るさっとおる訳えあらん=不況でシャッターが下ろされたわけではない。
国際通りえ沖縄んじえ一番、むてい栄いそおる所=国際通りは沖縄では一番栄えている場所。
新コロナウイルスぬ障いなかい店ぬあるっさ=新コロナウイルス禍で店という店が
閉みい勝負すんねえし、シャッターぬ下るさっとおん=競い合うかのようにシャッターを下ろしている。
ゴールデンウィークぬ最中んでぃる言ちゃる=ゴールデンウィークの只中とは言ったものだ
人ん車ん、いいくる居らん=人も車もほとんどいない。
儲き尽くぬならんあれえ、如何し食え口なゆが=商売ができなければ、どうして生計が成り立つのか。
新コロナがあんしゅか迄ん、人ぬ暮らし=新コロナがこれほどまでに人間の生活を
壊しち歩っちゅうがやあんでぃん思ゆん=破壊しまくるのかと思う。
今ぬ世や誰ん免疫持ちぇえ居らん新ウイルスぬ出じいねえ=現社会は誰も免疫を持たない新ウイルスが出現すると
今ぬ世ぬ医者とぅか病院でえぬ備わいしえ=現在の医療態勢では
くめえきてぃ分別ぬならんでぃ言しがどぅ=対応不能であるということこそが
一番ぬ恐りむんやる事ぬ分かたん=最も恐ろしいことだと知った。
念入りてぃ考え様、頑丈らさんでえ…=(人間は)もっと、対処能力を高めないと…。

この記事へのコメント