若芽クヮーディーサー（豊見城市）

写真（しゃしん）や小満芒種雨（ぼうしゅあみ）ぬ暇（まどぅ）やたる昨日（ちぬう）抜（ぬ）じゃるむぬやん。

　去（ん）じゃる4月（しんぐゎち）1日（ちいたち）ぬくぬブログ於（をぅ）とおてぃ、冬（ふゆ）ぬ節（しち）ぬ「枯（か）りクヮーディーサー」御目掛（うみか）きたしが、今（なま）ぬまあどお若芽（わかべえ）御目掛きら。

　写真やうんにいとぅ同（い）ぬ所（とぅくる）なとおしが、不拍子（ぶひょうし）に枝（ゆだ）ぬけえ薙（な）がっとおたん。

　枝あ、あんしゅか迄（まで）え伸（ぬ）びてえ居（をぅ）らんたる筈（はじ）やしが…。

　構（かむ）やあ達（たあ）ぬ勝手（かってぃ）どぅやくとぅ、うりえ済（し）むしが、今度（くんどぅ）んいっそうまぬ夏（なち）ぬ如（ぐとぅ）、暑夏（あちなち）ないねえ、なれえ枝葉（ゆだふぁ）あ、ゆかとおせえましやしが…。

　沖縄（うちなあ）んかいやてぃん節（しち）ぬ別（びち）、知（し）らする草木（くさき）えまんどおしが、特（か）わてぃ、クヮーディーサーや、まあにん生（み）いまんどおくとぅ、目立（みだ）ちゅん。

　本土（やまとぅ）ぬ銀杏（いちょう）、椛（もみじ）ぬ如（ぐとぅ）、「黄葉・紅葉」する櫨木（はじぎい）んあしが、とぅめえ難（ぐり）さるあたい、いきらさん。

　今度お、暑夏ならんでえ済むしが。

【語句】

 写真や小満芒種雨ぬ暇やたる昨日、抜じゃるむぬやん＝写真は梅雨休みの昨日撮ったものである。

去じゃる4月1日ぬくぬブログ於とおてぃ、冬ぬ節ぬ＝去った4月1日のこのブログで、冬の季節の

「枯りクヮーディーサー」御目掛きたしが＝「枯れクヮーディーサー」をご覧頂いたが、

今ぬまあどお、若芽、御目掛きら＝今回は新芽のクヮーディーサーをご覧頂こう。

写真やうんにいとぅ同ぬ所なとおしが＝写真はこのまえと同じ場所であるが、

不拍子に枝ぬけえ薙がっとおたん＝あいにく、枝（の先の方）は切り取られていた。

枝あ、あんしゅか迄え伸びてえ居らんたる筈やしが…＝枝はそれほど、伸びてはいない筈だったが…。

構やあ達ぬ勝手どぅやくとぅ、うりえ済むしが＝管理者の方針なので、それはそれで良いのだが、

今度んいっそうまぬ夏ぬ如、暑夏ないねえ＝今年もいつもの夏のように猛暑になるのであれば、

なれえ枝葉あ、ゆかとおせえましやしが…＝なるべく枝葉はいっぱいあった方が良いのだが…。

沖縄んかいやてぃん節ぬ別、知らする草木えまんどおしが＝沖縄にも、季節の移り変わりを知らせる植物は多いが、

特わてぃ、クヮーディーサーや、まあにん生いまんどおくとぅ、目立ちゅん＝特にクヮーディーサーはどこにでも多いので目立つ。

本土ぬ銀杏、椛ぬ如、「黄葉・紅葉」する櫨木んあしが＝本土の銀杏、椛のように黄葉紅葉する櫨もあるが、

とぅめえ難さるあたい、いきらさん＝探しかねるほど、少ない。

今度お、暑夏ならんでえ済むしが＝今年は猛暑にならなければ良いが。