今度（くんどぅ）ぬ小満芒種雨（すうまんぼうしゅあみ）え能（ゆ）う降（ふ）ゆん。
降い様（よう）ん様々（さまざま）やん。
雷（かんなみ）ぬ鳴（な）ゆるばあんあい、一時間（いちじかん）なかい100ｍｍなあぬやま切（ち）り降（ぶ）いするばあんあい、写真（しゃしん）ぬ如（ぐとぅ）し、霧雨（ちりあみ、ぐまあみぐゎあ）ぬやるばあんあん。
雨降（あみふ）いぬ暇々（まどぅまどぅ）お又（また）太陽（てぃだ）ぬ照（てぃ）るか晴（は）りゆるばあんあん。
小満ぬ後（あと）お芒種やしが、昔（んかし）から恐（うとぅ）とぅるささっとおしえ、芒種雨（ぼうしゅあみ）どぅやしが、今度ぬ小満雨やてぃん、実（じゅん）に恐とうしむんやん。
道迄（みちまでぃ）ん、畦（あむとぅ）洗（あれ）え水（みじ）なかい浸（ち）かたる所（とぅくる）んあいぎさん。
コロナ籠（ぐ）まいん終（う）わらんまどぅ、雨降い籠いまでぃしみらってぃ、実（じゅん）に肝（ちむ）ん暮（く）りゆん。
コロナぬ第一波あとぅるどおいぎさしが、長雨（ながあみ）ん早（ふぇえ、へえ）く、明（あ）きれえやあんでぃ思（うむ）ゆん。
あんし、目光（みいふぃちゃ）らさる青天（おおるうてぃん）ゆ拝（うがみ）み欲（ぶ）さん。
【語句】
今度ぬ小満芒種雨え能う降ゆん＝今年の梅雨は良く降る。
降い様ん様々やん＝降り方もさまざまだ。
雷ぬ鳴ゆるばあんあい、一時間なかい100ｍｍなあぬ＝雷が鳴る場合もあれば、一時間に100ｍｍもの
やま切り降いするばあんあい、写真ぬ如し＝どしゃ降りすることもあれば、写真のように
霧雨ぬやるばあんあん＝霧雨であることもある。
雨降いぬ暇々お又、太陽ぬ照るか晴りゆるばあんあん＝梅雨の合間には太陽が照り付けるほど、晴れることもある。
小満ぬ後お芒種やしが、昔から恐とぅるささっとおしえ＝小満の次は芒種であるが、昔から恐れられているのは
芒種雨どぅやしが、今度ぬ小満雨やてぃん、実に恐とうしむんやん＝芒種雨なのだが、今年の小満雨だって、実に怖い。
道迄ん、畦洗え水なかい浸かたる所んあいぎさん＝道路も激流で冠水したところもあるようだ。
コロナ籠まいん終わらんまどぅ、雨降い籠いまでぃしみらってぃ＝コロナ籠りも終えないうちに、雨降り籠りまでさせられて
実に肝ん暮りゆん＝ほんとうに、気が滅入る。
コロナぬ第一波あ、とぅるどおいぎさしが、長雨ん早く＝コロナの第一波は止まったようであるが、梅雨も早く
明きれえやあんでぃ思ゆん＝明ければと思う。
あんし、目光らさる青天ゆ拝み欲さん＝そして、眩しい青空を拝みたい。
この記事へのコメント