新（みい）コロナぬ障（さわ）い故（ゆい）に童（わら）ん達（ちゃあ）ぬ遊（あし）び庭（なあ）迄（までぃ）んけえ、みちらっとおん。
遊び物ぬあるっさ、諸（むる）、ロープとぅか網（あみ）なかい、けえ囲（かく）らってぃ、「遊ぶな」風儀（ふうじい）ぬ張（は）い紙（かび）んはらっとおん。
んちゃ、諸が触（さあ）ゆる遊び物（むん）、いいりむんやぐとぅ、あんしわるないる筈（はじ）。
まるけえてぃ、座（い）っち遊ぶる童ん達ん居（をぅ）しが、草（くさ）んまた、心許（くくるゆる）さらんむんやん。
童ん達や実（じゅん）に肝苦（ちむぐる）しいむん。
学校（がっこう）んかいん、遊び庭んかい行（い）からん。学校んか行（ん）じ勉強（びんちょう）し、遊ぶしがどぅ仕口（くち）やるむぬ。
童ん達や起（う）きとおる間（ゑえだ）あ、ちゃあ、飛（とぅ）んじゃあ舞（もう）やあし、筋（ちる）使（ちか）とおくとぅどぅ、毒返（どぅくげえ）しする体力（ぐてえ）んある筈（はじ）やるむぬ。
家籠（やあぐま）いしみねえ、うりかあや如何（ちゃあ）がけえないらあ。
やしが沖縄（うちなあ）や、一番（いちばん）ぬ新コロナぬ飛（とぅ）び所（どぅくる）。
家人数（やあにんず、やあぐな）とぅぬまた御年寄（うとぅすい）とぅぬふれえんあくとぅ、うりんまた考（かんげ）えらんでえならん。
【語句】
新コロナぬ障い故に童ん達ぬ遊び庭迄んけえ、みちらっとおん＝新型コロナ禍で子供たちの遊ぶ公園まで封鎖されてしまっている。
遊び物ぬあるっさ、諸、ロープとぅか網なかい、けえ囲らってぃ＝遊具類のすべてがロープや網で囲われてしまい、
「遊ぶな」風儀ぬ張い紙んはらっとおん＝「遊ぶな」みたいな張り紙まで貼られている。
んちゃ、諸が触ゆる遊び物、いいりむんやぐとぅ＝なるほど、皆が降れる遊具だがら、
あんしわるないる筈＝そうしなければならないのだろう。
まるけえてぃ、座っち遊ぶる童ん達ん居しが＝ときおり、座って遊ぶ子供をみけるが、
草んまた、心許さらんむんやん＝草だって安心できるものではない。
童ん達や実に肝苦しいむん＝子供たちはほんとうに可哀想だ。
学校んかいん、遊び庭んかい行からん＝学校にも公園にもけない。
学校んか行じ勉強し、遊ぶしがどぅ仕口やるむぬ＝学校に行って勉強し、遊ぶのが彼らの仕事だと言うのに。
童ん達や起きとおる間あ、ちゃあ、飛んじゃあ舞やあし＝子供たちは起きている間はずっと、跳んだり跳ねたりして、
筋使とおくとぅどぅ、毒返しする体力んある筈やるむぬ＝筋肉を使うからこそ、抵抗力、免疫力を養う体力も備わるはずなのだが。
家籠いしみねえ、うりかあや如何がけえないらあ＝家に籠らしたらその辺はどうなるのやら。
やしが沖縄や、一番ぬ新コロナぬ飛び所＝だが、沖縄は新コロナの一番の感染地帯。
家人数とぅぬまた御年寄とぅぬふれえんあくとぅ＝家族とのまた年寄とも接するので、
うりんまた考えらんでえならん＝それもまた配慮しなければならないのである。
この記事へのコメント