今度（くんどぅ）ぬ暑（あち）さあふしがらん。
本土（やまと）お、沖縄（うちなあ）やか、暑さんでぃぬ事（くとぅ）。
沖縄や海（うみ）なかい囲（かく）まあらっらってぃがやら、本土やかや涼（しだ）さがあらん分（わ）からん。
夏雲（なちぐむ）お見（ん）ちんうすまさん。
天丈（てぃんたき）んあくとぅ、高雲（たかぐむ）んでぃん言（ゆ）ん。
遠（とぅう）さから見（ん）じいねえ、写真（しゃしん）ぬ如（ぐとぅ）、白（しる）く見（み）ゆしが、下（しちゃ）あ真（ま）っ黒（くるう）なやあに、風（かじ）ぬ根（にい）なとおん。
又（また）雨（あみ）ぬ根（にい）んやん。
雨風（あみかじ）びけえやれえ済（し）むしが、雷（かんない）ぬ鳴（な）たい、光（ふぃちゃ）たいするばすんあん。
どぅく、暑さくとぅ、まるけえてぃなあや、雨欲（あみふ）しゃるばすんあん。
雨降（あみふ）いとぅ雨降い後（あとぅ）ぬ一時（いっとぅちゃ）あ、涼さん。
やしが、降（ふ）いるばあや、ちゅうちゃん、降いくとぅ、内雨（うちあみ）さい、洗濯物（しんたくむん）ぬ濡（ん）でぃたいすん。
降ゆしがどぅましやみ、降らんしがどぅましやみ。
人（ちゅ）んでぃせえ、実（じゅん）に、自任（じまか）しなむんやさ…。
【語句】
今度ぬ暑さあふしがらん＝今夏はすごく暑くてたまらない。
本土お、沖縄やか、暑さんでぃぬ事＝本土は沖縄より暑いとのこと。
沖縄や海なかい囲まあらっらってぃがやら＝沖縄は海に囲まれているからだろうか、
本土やかや涼さがあらん分からん＝本土よりは涼しいかも知れない。
夏雲お見ちんうすまさん＝積乱雲は見ても恐ろしい。
天丈んあくとぅ、高雲んでぃん言ん＝天高く聳え立つので「高雲（たかぐむ）」ともいう。
遠さから見じいねえ、写真ぬ如、白く見ゆしが＝遠くから見ると写真のように白く見えるが、
下あ真っ黒なやあに、風ぬ根なとおん＝真下は真っ黒で風が沸くところだ
又雨ぬ根んやん＝同時に雨の根でもある。
雨風びけえやれえ済むしが、雷ぬ鳴い、光たいするばすんあん＝雨風だけならまだしも、雷が鳴ったり光ったりする。
どぅく、暑さくとぅ、まるけえてぃなあや、雨欲しゃるばすんあん＝あんまり暑いので時折、雨が欲しい。
雨降いとぅ雨降い後ぬ一時あ、涼さん＝雨降りと雨後暫くは涼しい。
やしが、降いるばあや、ちゅうちゃん、降いくとぅ＝だけど、降るときは突然なので、
内雨さい、洗濯物ぬ濡でぃたいすん＝雨が戸窓から降り込んだり、洗濯物が濡れたりする。
降ゆしがどぅましやみ、降らんしがどぅましやみ＝降るのがよいのか降らないのがよいのか。
人んでぃせえ、実に、自任しなむんやさ…＝人間というのは実に我儘なので…。
この記事へのコメント