片降い（那覇市）

　 ９月（くんぐゎち）ぬ下（しむ）に那覇（なあふぁ）天久（あみく）んかいあるビルから抜（ぬ）じぇえる写真（しゃしん）なとおん。

　北（にし）むてぃいんかいうう黒（ぐる）うそおる雲（くむ）ぬ広（ふぃる）がやあに、いやでぃん、中城（なかぐしく）まんぐらから北（にし）どぅやる筈（はじ）やしが、大雨（ううあみ）ぬ降（ふ）とおいぎさん。

　写真からあ丁度（ちょうどぅ）、虹（ぬうじ）ぬ立（た）っちょおるまんぐらから東（あがり）むてぃいや雨、西（いりい）むてぃいとぅ南（ふぇえ）むてぃいや晴（は）りなとおん。

　片降（からぶ）いんでぃ言（い）ちん、ただぬ鷹（たか）ぬ小便（しいばい）そおなむぬおあらな、うう黒うそおる雲ぬ下（しちゃ）やぐとぅ、やまちり降（ぶ）いやせえ居（をぅ）らんがあら。

　うぬ日（ふぃい）や夜迄（ゆるまでぃ）、居（をぅ）たしが、那覇んかい雨ぬ降る事（くと）お無（ね）えらんたん。

　あんし、雨ぬ晴りてぃ、雲ん無えらんなてぃから、うぬ虹え、なあふぃん、まぎくなやあに、天高（てぃんたか）く伸（ぬ）びとおたん。

　高層ビルからぬ景色（ちいち）ん又（また）面白（うむしる）むんやん。

【語句】

９月ぬ下に那覇天久んかいあるビルから抜じぇえる写真なとおん＝９月の下旬に那覇天久のビルから撮った写真である。

北むてぃいんかいうう黒うそおる雲ぬ広がやあに＝北側に黒い雲が広がって、

いやでぃん、中城まんぐらから北どぅやる筈やしが＝たぶん、中城あたりから北方かもしれないが、

大雨ぬ降とおいぎさん＝大雨になっている様子である。

写真からあ丁度、虹ぬ立っちょおるまんぐらから東むてぃいや雨＝写真から丁度、虹が立っているあたりから東側は雨、

西むてぃいとぅ南むてぃいや晴りなとおん＝西側と南側は晴れになっている。

片降いんでぃ言ちん、ただぬ鷹ぬ小便そおなむぬおあらな＝片降りとは言っても、単なる通り雨ではなく、

うう黒うそおる雲ぬ下やぐとぅ、やまちり降いやせえ居らんがあら＝黒い大雲の下であるから、土砂降りをしないだろうか。

うぬ日や夜迄、居たしが、那覇んかい雨ぬ降る事お無えらんたん＝その日は夜までいたが、那覇に雨が降る事はなかった。

あんし、雨ぬ晴りてぃ、雲ん無えらんなてぃから、うぬ虹え＝そして雨があがり、雲も消えて後、その虹は

なあふぃん、まぎくなやあに、天高く伸びとおたん＝さらに成長し天高く伸びた。

高層ビルからぬ景色ん又面白むんやん＝高層ビルからの眺めもまた面白い。