沖縄（うちなあ）ぬ桜（さくら）あ寒緋桜んでぃち、本土（やまとぅ）ぬぬ白桜（しるうざくら）とぅ変（か）わてぃ、実（じゅん）にぬ桜色（さくらいる、ピンク色）やん。
写真（しゃしん）ぬくがたぬ桜ねえし、稀（まり）に白色ぬ花（ふぁな、はな）ぬ混（ま）んちょおるばすんあん。
ただ、色ぬ薄（ふぃ、ひ）っさるびべけんがやら分（わ）からのおあしが…。
今度（くんんど）お寒年（ふぃいどぅし）なてぃがなてぃがやら、桜あ変（か）わてぃ、思（うみ）い切（ち）ち咲（さ）ち被（かん）てぃしん居（をぅ）い、咲ち美（ぢゅ）らさんあんねえ思（うむ）ゆん。
見物人（ちんぶちにん）や居しえ居しが、多（うふ）さがあら、いきらさがあら、我（わん）くるお桜見物お、おなんぞおさんくとぅ分（わ）からんしが、コロナ世（ゆう）あらんでえ、なあふぃん、居たる筈（はじ）んでぃ思（うむ）ゆん。
コロナ怖（うとぅる）さすしえ、人（ちゅ）びけんどぅやる筈。
人間（にんじん）ぬ他（ふか）あ、生（い）ち物（むし）ん木草（きいくさ）ん、コロナぬ事（くと）お何（ぬう）ん構（かま）あん風儀（ふうじ）なてぃ見（み）ゆい、羨（うれ）えまさんあん。
桜あ咲ち「被じゅい」、人お「罰（ばち）被じゅい」…。
【語句】
沖縄ぬ桜あ寒緋桜んでぃち、本土ぬ白桜とぅ変わてぃ＝沖縄の桜は寒緋桜といって、本土の桜と異なり、
実にぬ桜色（ピンク色）やん＝ほんとうの桜色である。
写真ぬくがたぬ桜ねえし、稀に白色ぬ花ぬ混んちょおるばすんあん＝写真のこちら側の桜のように、稀に白い桜が混ざることがある。
ただ、色ぬ薄っさるびべけんがやら分からのおあしが…＝ただ、すこしばかり色が薄いだけなのかもしれないが…。
今度お寒年なてぃがなてぃがやら、桜あ変わてぃ、思い切ち＝今年は寒冬だからなのか、桜はとりわけ、思い切り、
咲ち被てぃしん居い、咲ち美らさんあんねえ思ゆん＝咲き誇ってもいるし、美しいと思う。
見物人や居しえ居しが、多さがあら、いきらさがあら＝見物人はいることはいるが、多いのか少ないのか、私自身は桜見物は、
我くるお桜見物お、なんぞおさんくとぅ分からんしが＝私自身は桜見物はあまりしないので、分からないが、
コロナ世あらんでえ、なあふぃん、居たる筈んでぃ思ゆん＝コロナ時代でなければ、ひよっとするともっといたかも知れない。
コロナ怖さすしえ、人びけんどぅやる筈＝コロナを怖がるのは人間だけかもしれない。
人間ぬ他あ、生ち物ん木草ん、コロナぬ事お何ん＝人間の他は動物も植物もコロナの事は何ら
構あん風儀なてぃ見ゆい、羨えまさんあん＝気に掛けないように見えるし、羨ましくもある。
桜あ咲ち「被じゅい」、人お「罰被じゅい」…＝桜は「咲き誇り（被じゅん）」、人は「罰を被る（被じゅん）」
この記事へのコメント