去（ん）じゃる慰霊（いりい）ぬ日（ふぃい、ひい）んじ抜（ぬ）じゃる景色（ちいち）やん。
コロナ世（ゆう）ぬ万時（ばんじ）んやい、また緊急事態宣言ぬんさっとおくとぅ、いっそうまやかや人（ちゅ）おいきらさたしが、あんしん、思（うみ）いぬ外（ふか）まんどおたん。
雨降（あみふ）いに足擦（あしじ）り草（ぐさ）ぬみいんかい入（い）いねえ、靴（ふや）ぬ濡（ん）でぃてぃぐぇちゃぐぇちゃすくとぅ、入ゆる人お居（をぅ）らんぎさたん。
やくとぅ、足擦り草んまた松野（まあちゅう）ん美（ちゅ）らく見（み）ゆん。
沖縄（うちなあ）やあいゆかんぬ温島（ぬくじま）やくとぅ、ようそおちねえ、ゆむ草（くさ）ぶったあなやあに、はごうくなゆしが、くまあ良（ゆ）う手入（てぃい）りさとおいぎさん。
ゆむ草ぬ事（くと）お措（う）ちん、また木（きい）ぬ落ち葉（うてぃふぁあ）ぬ一（てぃい）ちんちょうん見（み）いらんしぬふるまさよ。
長雨（ながあみ）ぬ中（みい）、掃除（そうじ）かちすしん、よねあらんたる筈（はじ）やしが…。
【語句】
去じゃる慰霊ぬ日んじ抜じゃる景色やん＝去る慰霊の日に撮った景色である。
コロナ世ぬ万時んやい、また緊急事態宣言ぬんさっとおくとぅ＝コロナ禍の最中でもあり、また緊急事態宣言下でもあることから
いっそうまやかや人おいきらさたしが、あんしん、思いぬ外まんどおたん＝例年より人出は少なかったが、それでも想定以上に多かった。
雨降いに足擦り草ぬみいんかい入いねえ、靴ぬ濡でぃてぃ＝雨降りに芝生に踏み込むと靴が濡れて、
ぐぇちゃぐぇちゃすくとぅ、入ゆる人お居らんぎさたん＝びしょびしょするので、踏み入る人は居ないようであった。
やくとぅ、足擦り草んまた松野ん美らく見ゆん＝なので、芝生も松林も美しくみえる。
沖縄やあいゆかんぬ温島やくとぅ、ようそおちねえ＝沖縄はとても温暖な島なので、放っておくと、
ゆむ草ぶったあなやあに、はごうくなゆしが＝雑草だらけになり、汚くなるものだが、
くまあ良う手入りさっとおいぎさん＝ここは良く手入れされているようである。
ゆむ草ぬ事お措ちん、また木ぬ落てぃ葉ぬ＝雑草の事はさておいても、それにしても落ち葉
一ちんちょうん見いらんしぬふるまさよ＝ひとつも見えない事が珍しい。
長雨ぬ中、掃除かちすしん、よねあらんたる筈やしが…＝長雨の中、清掃するのも楽ではなかっただろうに…。
松野＝松毛（まあちもう）、松原（まちょうら）等。
この記事へのコメント