壺屋通り（那覇市）

　壺屋（ちぶや）通りやいいくる、他（ふか）ぬ通りとお、趣（しゅう）ぬ変（か）わゆい、あいゆかぬ美（ちゅら）ら通りやん。

　近（ちか）くんかいや、東窯（あがりぬがま）ん南窯（ふぇえぬりがま）んあん。

　沖縄戦（いくさ）ぬばすお、戦ぬ禍（さび）ぬいきらさたる所（とぅくる）なやい、那覇（なあふぁ）ぬ復興（またうくし）んくまから始（はじ）みらったんでぃぬ事（くとぅ）やん。

　直（し）ぐ近くんかいある国際通りとぅ平和通りとお、また変（か）わとおる所やん。

　那覇ぬ電信柱（でぃんしんばあや）や地下（ぢちしちゃ）んかいん埋（う）みらんでぃぬ企（くぬみ）みんあんでぃぬ事やしが、銭（じん）ぬ足（た）らあな、ならんなとおんでぃぬ事やん。

　確（たし）かに電信柱ん無（ね）えらんようい、燈篭（とぅうるう）とぅか道（みち）ぬ飾（かざ）い物（む）ぬん備（すな）わとおれえ、観光客（ちゃく）ん、今（なま）やか伸（ぬ）ばがい易（や）っさんでぃ思（うみ）いんすしが…。

　伸ばがたる日（ふぃい）や暑（あち）さぬ、道傍（みちばた）んかい日傘（ふぃがさ）ぬある椅子（いい）んでえんあれえ、平（ふぃら）きやい、飲（ぬ）み物（むん）やてぃん飲みい欲（ぶ）しゃたん。

【語句】

壺屋通りやいいくる、他ぬ通りとお、趣ぬ変わゆい＝壺屋通りは他の通りとは雰囲気が異なり、

あいゆかぬ美ら通りやん＝とてもきれいな通りである。

近くんかいや、東窯ん南窯んあん＝近くには東窯も南窯もある。

沖縄戦ぬばすお戦ぬ禍ぬいきらさたる所なやい＝沖縄戦のときは戦禍も少ない場所であったし、

那覇ぬ復興んくまから始みらったんでぃぬ事やん＝那覇の復興もここから手掛けられたとのこと。

直ぐ近くんかいある国際通りとぅ平和通りとお＝直ぐ近くにある国際通りと平和通りとは

また変わとおる所やん＝また、趣を異にする。

那覇ぬ電信柱や地下んかいん埋みらんでぃぬ企みん＝那覇市の電柱は地下に埋めようとの計画も

あんでぃぬ事やしが、銭ぬ足らあな＝あるとのことだが予算が不足して

ならんなとおんでぃぬ事やん＝頓挫しているとのことだ。

確かに電信柱ん無えらんようい、燈篭とぅか＝確かに電柱もなく、灯篭など

道ぬ飾い物ぬん備わとおれえ＝道路を彩るものが備わっていれば

観光客ん今やか伸ばがい易っさんでぃ思いんすしが＝観光客も今より立ち寄り易いとの思いも…。

伸ばがたる日や暑さぬ、道傍んかい＝立ち寄った日は暑くて、

日傘ぬある椅子んでえんあれえ、平きやい＝日傘のある椅子などがあれば、腰かけて

飲み物やてぃん飲みい欲しゃたん＝飲み物でも欲しかった。