覚（うび）らじに抜（ぬ）じゃる写真（しゃしん）やん。
ガン屋（やあ）やいいくるまあにん在（あ）くとぅ、ふぃるましいむのおあらんしが、うぬ上（うゐい）ぬ松原（まあちょう）ぬ景色（ちいち）ぬどぅ、いっぺえ、あながちさる。
高校時分迄（じぶんまで）え、我（わ）っ達（たあ）シマんんかい、似（に）ちょおる松原（まあちゅう）ぬあやあに、村中（むらじゅう）ぬ童（わら）ん達（ちゃあ）ぬ揃（すり）てぃ遊（あし）ぶる所（とぅくる）やたん。
くまぬ松原やか二倍（にべえ）三倍（さんべえ）ん広（ふぃる）さたん。
ブランコ遊（あし）びびけえしえ肝（ちむ）おふぃがな、大道（うふみち）、前（めえ）なちょお大松（うふまあち）ぬ枝（ゆだ）んかい大綱（うふちな）掛（か）きてぃ、いいくるターザン遊びしちゃるむぬやん。
やしが、何（ぬう）ぬちむええがやたら、いっそうから切（ち）り捨（し）てぃらりやあに、今（なま）あアスファルト道ぬなやい、人（ちゅ）ぬ家（やあ）ぬどぅ建（た）てぃらっとおる。
あぬばすぬ面影（うむかじ）えむさっとぅ無（ね）えらんなとおん。
尤（むっとぅ）ん、村中の景色ぬ相変（あいか）わとおくとぅ、けえ慣（な）りてぃん居（をぅ）い、昔（んかし）ぬ事（くと）お忘（わし）りとおたるむんぬ…。
【語句】
覚らじに抜じゃる写真やん＝思わずシャッターを切った写真である。
ガン屋やいいくるまあにん在くとぅ、ふぃるましいむのおあらんしが＝ガン屋はどこにでもあるから珍しくないが、
うぬ上ぬ松原ぬ景色ぬどぅ、いっぺえ、あながちさる＝その上の松原の景色こそが懐かしいのである。
高校時分迄え、我っ達シマんんかい、似ちょおる松原ぬあやあに＝高校のときまではわが故郷にも同様の松原があり、
村中ぬ童ん達ぬ揃てぃ遊ぶる所やたん＝村中の子供たちが集って遊ぶ場所であった。
くまぬ松原やか二倍三倍ん広さたん＝ここの松原より二倍三倍も広かった。
ブランコ遊びびけえしえ肝おふぃがな＝ブランコ遊びだけでは物足りず、
大道、前なちょお大松ぬ枝んかい大綱掛きてぃ＝大通りに面した大きな松の枝に大きな綱を掛け、
いいくるターザン遊びしちゃるむぬやん＝よくターザンごっこをしたものである。
やしが、何ぬちむええがやたら、いっそうから切り捨てぃらりやあに＝だが、なぜが、松は残らず伐採され、
今あアスファルト道ぬなやい、人ぬ家ぬどぅ建てぃらっとおる＝今はアスファルト道ができ人家が建っている。
あぬばすぬ面影えむさっとぅ無えらんなとおん＝あの頃の面影は全くない。
尤ん、村中の景色ぬ相変わとおくとぅ＝尤も、村中の景色自体が激変しているので
けえ慣りてぃん居い昔ぬ事お忘りとおたるむんぬ…＝慣れてしまってもいるし、昔のことは忘れていたのだけど…。
註：ガン屋＝荼毘送り・野辺送りする際に死者を乗せる龕（がん）を格納する小屋。
この記事へのコメント