うぬ木（きい）や沖縄（うちなあ）んかいや、多（うふ）くお無（ね）えん。
名（なあ）からしいや台湾物（たいわんむん）。
今頃（なまぐる）お、桜色（さくらいる）ぬ実（ない）ぬ生（な）ゆん。実や袋（ふくる）ねえそおくとぅ、葉（ふぁあ）とぅ似（に）ちょおん。
うりえ措（う）ち、新都心んでぃる言（い）ちゃる、大道（うふみち）にん遊（あし）び庭（なあ）にん、人（ちゅ）お、あんすかあ居（をぅ）らん。
大道ん屋（やあ）ん、まぎく、だてん、造（つく）らっとおい、大店（うふまちや）んかいや客（ちゃく）んまんどおしが、道んかいや思（うみ）いぬ他（ふか）あ居（をぅ）らん。
コロナ世（ゆう）あらんてぃん、くんなやたくとぅ、新（みい）コロナ禍（さび）ぬ故（ゆい）んあらん。
本土（やまとぅ）お鉄道ぬる主（うむ）だちょおる乗（ぬ）い物（むん）やしが、沖縄んじえ、いいくる、あらん、専（むっぱら）らんでぃちん済（し）むるあたい、車（くるま）ぬる乗い物やる。
近（ちか）くんかい、おもろ駅（いき）ぬあしが、元（むとぅ）から本土（ないち）とぅ沖縄とお電車・モノレールぬ使（ちけ）え様（よう）ぬ変（か）わゆん。
本土んじえ、まあんかいやてぃん、電車、乗（ぬ）い継（ち）じ、間（ま）に合（あ）あさりいしが、一本（いっぷん）びけえぬモノレールやれえ、使（ちけ）え難（がた）なさん。
やぐとぅ、人おまあんかい車しどぅ行ちゅい、いいくる、歩（あ）っかん。道んかい人ぬ居らんしいじやん。
【語句】
うぬ木や沖縄んかいや、多くお無えん＝その木は沖縄には、多くは無い。
名からしいや台湾物＝名前からして台湾産。
今頃お、桜色ぬ実ぬ生ゆん＝今頃の季節にピンク色の実がなる。
実や袋ねえそおくとぅ、葉とぅ似ちょおん＝実は袋状になっているので、葉に似る。
うりえ措ち、新都心んでぃる言ちゃる＝それはさておき、新都心とは言ったものだ、
大道にん遊び庭にん、人お、あんすかあ居らん＝大通りにも公園にも人はあまりいない。
大道ん屋ん、まぎく、だてん、造らっとおい＝大通りも建物も大きく立派に建てられているし、
大店んかいや客んまんどおしが、道んかいや＝大型店舗には客も多いし、道には
思いぬ他あ居らん＝意外と人通りがないのである。
コロナ世あらんてぃん、くんなやたくとぅ＝コロナ禍でなくても、そうであったので、
新コロナ禍ぬ故んあらん＝新型コロナのせいではない。
本土お鉄道ぬる主だちょおる乗い物やしが、沖縄んじえ＝本土では鉄道が主な交通手段であるが、沖縄では
いいくる、あらん、専らんでぃちん済むるあたい＝殆ど、否、専らと言っても良いほど、
車ぬる乗い物やる＝車こそが交通手段なのである。
近くんかい、おもろ駅ぬあしが、元から本土とぅ沖縄とお＝近くには、おもろ駅があるが、そもそも本土と沖縄とでは
電車・モノレールぬ使え様ぬ変わゆん＝電車やモノレールの使い勝手が違う。
本土んじえ、まあんかいやてぃん、電車、乗い継じ＝本土ではどこへでも電車で乗り継いで
間に合あさりいしが、一本びけえぬモノレールやれえ＝間に合うが、一路線だけのモノレールだけでは
使え難なさん=使い勝手が悪いのである。
やぐとぅ、人おまあんかい車しどぅ行ちゅい＝なので、人々はどこへいくにも車を使うし、
いいくる、歩っかん＝殆ど歩かない。（歩くチャンスが少ない）
道んかい人ぬ居らんしいじやん＝道に人がいないわけである。
この記事へのコメント