軽石ぬ浜(糸満市)

軽石2小.jpg

 くまあ名城(なあぐしく)ビーチまんぐらなとおん。
 写真(しゃしん)ぬ軽石(からし)え、小笠原諸島ぬ海底火山ぬぱっぷぎやあに、吹(ふ)ち出(ん)じたる溶岩やんでぃぬ事(くとぅ)やん。
 写真や11月(ぐゎち)4日(ゆっか)んじ抜(ぬ)じゃるむぬやん。
 いいばす、干潮(ふぃちしゅ)やたくとぅ、波(なみ)ぬ形(かたち)さあに抜じゃる事(くとぅ)ぬなたん。
 軽石ぬ事くとお童(わらび)ぬばすから、いいくる海端(うみばた)んかいあたくとぅ、知(し)っちょおしが、うさきいぬ軽石、見(ぬ)うしえ、未(なあ)だぐとぅやん。
 山原(やんばる)まんぐらぬ港(んなとぅ)んじえ、船(ふに)ん出(ん)じゃさらんあたい、寄(ゆ)とおんでぃぬ事(くとぅ)。
 また魚(いゆ、ゆう)、亀(かあみ)そうな海(うみ)ぬいちむしん、くんな軽石喰(くう)うやあに、けえ死(し)じょおるうんまんどおんでぃぬ事。
 新(みい)コロナん、落(う)てぃ着(ち)ち、ちょおしが、今度(くんど)お又(また)、軽石ぬ禍(さび)なとおん。
 実(じゅん)に、くぬ2~3年(にん)が間(ゑえだ)あ、生(い)ちち難(ぐり)さる世(ゆう)、けえなてぃ。
 何(ぬう)ぬ恨(うら)みぬあてぃがやら…。

【語句】
くまあ名城ビーチまんぐらなとおん=ここは名城ビーチ付近である。
写真ぬ軽石え、小笠原諸島ぬ海底火山ぬ=写真の軽石は、小笠原諸島の海底火山が
はっぷぎやあに、吹ち出じたる溶岩やんでぃぬ事やん=爆破して吹き出た溶岩との事だ。
写真や11月14日んじ抜じゃるむぬやん=写真は11月14日ぬ撮ったものだ。
いいばす、干潮やたくとぅ、波ぬ形さあに=都合よく、干潮だったので、波の形で
抜じゃる事ぬなたん=撮ることができた。
軽石ぬ事くとお童ぬばすから、いいくる海端んかい=軽石のことは子供の頃から、よく浜辺に
あたくとぅ、知っちょおしが、うさきいぬ軽石=あったので、知っているが、これだけの軽石を
見うしえ、未だぐとぅやん=見るのはいまだかってないことである。
山原まんぐらぬ港んじえ、船ん出じゃさらんあたい=北部の港では船もだせないほど、
寄とおんでぃぬ事=押し寄せているとのこと。
また魚、亀そうな海ぬいちむしん=また、魚や亀などの海洋生物も
くんな軽石喰うやあに、けえ死じょおるうん=こういう軽石を口にして死んでしまったのも
まんどおんでぃぬ事=多いとのことだ。
新コロナん、落てぃ着ち、ちょおしが=新型コロナも落ち着いているが、
今度お又、軽石ぬ禍なとおん=今度は軽石の害に遇っている。
実に、くぬ2~3年が間あ=本当に、この2,3年は
生ちち難さる世、けえなてぃ=生きづらい時代になってしまって。
何ぬ恨みぬあてぃがやら…=(人間に対して)何の恨みがあるのか…。

この記事へのコメント