天一杯（てぃんいっぺえ）、庇（かば）ぬ如（ぐとぅ）し、拡（ふぃる、ひる）がゆる夕（ゆ）さんでぃ明（あ）けい雲（ぐむ）や年（にん）に幾（いく）けぬん見（ん）だん。
台風明（てえふうあ）ぬばすん、ゆう見（ん）じゅん。
覚（うび）らじにちゃあ見じいけえすしが、うんな雲（くむ）見じゅるばあや、いいくる色（いる）んな事（くとぅ）、想（うみ）い浮（う）かびゆん。
コロナ世（ゆう）なてぃから、なあ二年（ににん）近（ちか）くなゆん。
くぬ頃（ぐる）んしいや、収（うさ）まとおる風儀（ふうじ）んあしが、拡（ふぃる、ひる）がい易（や）っさるオミクロンでぃぬ新株（みいさに）ん出（ん）じとおんでぃぬ事（くとぅ）やい、うぬ故（ゆい）にまた来年迄（やあんんまでぃ）ん続（ちぢ）ちいがすら。
百年前（ひゃくにんめえ）ぬスペイン風邪（げえち）ぬばあや、収まゆる迄（までぃ）、所（とぅくる）ぬてぃ変（か）わゆしが、大概（てえげえ）２～４年ぐれえかかとおたんでぃぬ事やん。
人人間（ちゅにんじん）にとぅてぃ新（みい）ウイルスでぃしえ実（じゅん）に厄介（やっけえ）やん。
恐（うとぅ）るさするうっぴさあに、商（あちねえ）え事（ぐとぅ）ん、回（みぐ）らんないあい、病院（びょうい）ぬんはっぷぎゆん。
来年やコロナ世（ゆう）ぬ明（あ）きゆる如（ぐとぅ）、世願（ゆうにげ）えさびら。
【語句】
天一杯、庇ぬ如し拡がゆる夕さんでぃ明けい雲や＝空いっぱいに、テントのように広がる夕焼雲は
年に幾けぬん見だん＝年に何度もみることはない。
台風明ぬばすん、ゆう見じゅん＝台風一過のときも見ることがある。
覚らじにちゃあ見じいけえすしが＝思わず、じっと眺めてしまうのであるが、
うんな雲見じゅるばあや、いいくる色んな事＝そんな雲を眺める場合は、色んなことを
想い浮かびゆん＝想いうかべる。
コロナ世なてぃから、なあ二年近くなゆん＝コロナ禍になってから、もう二年近くなる。
くぬ頃んしいや、収まとおる風儀んあしが＝この頃は収まった感もあるが、
拡がい易っさるオミクロンでぃぬ新株ん＝感染力の高いオミクロンという新株も
出じとおんでぃぬ事やい、うぬ故に＝出現しているとのことであり、そのために、
また来年迄ん続ちいがすら＝また、来年まで続くのあろうか。
百年前ぬスペイン風邪ぬばあや、収まゆる迄＝百年前のスペイン風邪の場合は、
所にゆてぃ変わゆしが、大概２～４年ぐれえ＝所によって変わるが、凡そ２～４ほど
かかとおたんでぃぬ事やん＝要したとのことだ。
人人間にとぅてぃ新ウイルスでぃしえ＝人類にとって、新しいウイルスというのは
実に厄介やん＝ほんとうに厄介である。
恐るさするうっぴさあに、商え事ん＝恐がるだけで、経済は
回らんないあい、病院ぬんはっぷぎゆん＝回らなくなり、病院はパンクする。
来年やコロナ世ぬ明きゆる如、世願えさびら＝来年こそコロナが終るよう、願を立てよう。
この記事へのコメント