天（てぃん）、うちゃがてぃ見（ん）だんてぃん、変（か）わとおる雲（くむ）ぬあれえ、なんくる目（みい）や、うぬ雲んかい向（ん）かゆる風儀（ふうじ）。
放射ねえそおるうんな雲お、一所（ちゅとぅくる）からが出（ん）じとおらあ、あらんでえ、本当（ふんとう）ねえ、真（ま）っ直（し）ぐうどぅやる筈（はじ）やしが、遠近法なかい、放射状なてぃが見ゆらあ、分からん。
うぬ雲ぬなあふぃん上（うゐい）から、例（たとぅ）れえ、飛行機ぬ下（しちゃ）から、眺（なが）みいねえ、如何（ちゃ）ぬ風儀なてぃが見いらあ。
風（かじ）ぬ流（なが）り様（よう）にゆてぃ、雲ぬ形（かたち）ぬ変わゆしえ、分かゆしが、しかっとお分からん。
見じ惚（ふ）りてぃ、車（くるま）突（ち）ち当（あ）てぃらんねえ、しわるないる。
【語句】
天、うちゃがてぃ見だんてぃん、変わとおる雲ぬあれえ＝空を仰ぎ見なくても、変な雲があれば、
なんくる目や、うぬ雲んかい向かゆる風儀＝自然に目はその雲に向かうようである。
放射ねえそおるうんな雲お、一所からが＝放射している風のそのような雲は、一か所から
出じとおらあ、あらんでえ、本当ねえ＝放出しているのかそれとも、本当は、
真っ直ぐうどぅやる筈やしが、遠近法なかい＝直線であるかもしれないが、遠近法の関係で
放射状なてぃが見ゆらあ、分からん＝放射状になって見えるのか知らない。
うぬ雲ぬなあふぃん上から、例れえ＝その雲のもっと上から、たとえば、
飛行機ぬ下から眺みいねえ＝飛行機のしたから眺めると、
如何ぬ風儀なてぃが見いらあ＝どのように見えるのであろうか。
風ぬ流り様にゆてぃ、雲ぬ形ぬ変わゆしえ＝空気の流れようで雲の形が変化するのは
分かゆしが、しかっとお分からん＝分かるが、ちゃんとしたことは分からない。
見じ惚りてぃ、車突ち当てぃらんねえ、しわるないる＝見とれて、車をぶつけないようにしなけらばならない。
この記事へのコメント