岡波島(豊見城市)

無人島1s.jpg
 沖縄島(じじ)ぬ周(まあ)いんかいや、まぎ島(じま)んぐま島んまんどおしが、くぬ島(しま)あ、人(ちゅ)ぬ遊(あし)ばりいる無人島とぅしちえ、てえげえ、いいさくぐれえぬまぎさああらんがあらんでぃ思(うむ)ゆん。
 白砂浜(しるしなはま)んあい、丈(たき)んあん。岩(しい)んまんどおくとぅ、太陽(てぃだ)がたかんなゆい、また、雨(あみ)ぬ降(ふ)いねえ、隠(くゎっき)き所(どぅくる)とぅんなゆん。
 やしが、豊見城(てみぐしく)からどぅく近(ちか)さぬ、アクセスお、却(けえ)てえ、でえじな、不便(ふびん)がやらん分(わ)からん。
 なあいふぇえ、まぎさんあてぃ遠(とぅう)さんあれえ、船便(ふなび)ぬん、儲(もう)き尽(じく)んないる筈(はじ)やしが、うりかあや如何(ちゃ)ぬ風儀(ふうじい)がやら。
 やしがなふぃのお、島迄(しままでぃ)ぬ海(うみ)ん浅(あさ)さくとぅ、実(じゅん)に、船(ふに)、走(は)らすしえ難(むちか)さん。
 うが近(ちちゃ)んかいあいがなあ、うが遠(とぅう)んかいあんねえそおる島。
 いちゃんだん、眺(なが)みやい楽(たぬ)しま。
筆:比嘉清。


【語句】
沖縄島ぬ周いんかいや、まぎ島んぐま島ん=沖縄本島には大きな島も小さな島も
まんどおしが、くぬ島あ、人ぬ遊ばりいる=多いけど、この島は人が遊べる
無人島とぅしちえ、てえげえ、いいさくぐれえぬ=無人島としては、概ね、ほどよい
まぎさああらんがあらんでぃ思ゆん=大きさなのではないかと思う。
白砂浜んあい、丈んあん=白い砂浜もあるし、標高もある。
岩んまんどおくとぅ、太陽がたかんなゆい=岩も多いので、日光から隠れることも、
また、雨ぬ降いねえ、隠き所とぅんなゆん=また、雨が降れば、凌ぐこともできる。
やしが、豊見城からどぅく近さぬ=だけど、豊見城からあまりにも近すぎて
アクセスお却てえ、でえじな不便がやらん分からん=アクセスは却ってとても不便かもしれない。
なあいふぇえ、まぎさんあてぃ遠さんあれえ=もう少し、大きく、遠くにあれば
船便ぬん、儲き尽んないる筈やしが=船便も採算が取れるかも知れないが、
うりかあや如何ぬ風儀がやら=その辺はどうなのだろうか。
やしがなふぃのお、島迄ぬ海ん浅さくとぅ=しかし、それだけではない、島迄は浅瀬なので、
実に、船、走らすしえ難さん=実際に船を運航させるのは難しい。
うが近んかいあいがなあ=近くにありながら
うが遠んかいあんねえそおる島=遠くにあるような島。
いちゃんだん、眺みやい楽しま=ただひたすら、眺めて楽しもう。
筆:比嘉清。

この記事へのコメント