乙羽岳（うとぅわ）からぬ眺（なが）みどぅやしが、まがいぬあがたあ、大宜味（うじみ）とぅ国頭（くんじゃん）なとおん。
町方慣（まちがたな）りいそおる中南部ぬ人（ちゅ）ん達（ちゃあ）からしいねえ、写真（しゃしん）ぬ如（ぐと）おる景色（ちいち、ちしち）え、同（い、ゆ）ぬ沖縄（うちなあ）んでえ思（うま）あらんあたい、目張（みいは）い如（ぐとぅ）やん。
山原（やんばる）んかいや、いちゃっさきいぬ山々（やまやま）、岳々（だきだき）ぬまんどおしが、いいくる山道（やまみち）え狭（いい、い）ばさぬ車（くるま）しせえ、行（い）ちがたなさぬむんやん。
乙羽岳ん同ぬむんやしが、ちゃあがな車（くるま）し行（い）かりいるうっぴしん、ましやん。
まんぐらんかい何（ぬう）がなぬ施設（やあ）んでえぬ無（ね）えらんでえ、道え通（とぅう）らんくとぅ、厄介（やっけえ）やしが、うりん仕方（しかた）あ無えらん。
また、どぅくだら、道造（みちつく）い強（ぢゅう）さぬ、道ぶったあないねえ、自然（しじん）ぬ壊（くう）っさってぃ行（い）ちゅくとぅ、うりん又（また）厄介やん。
何（じる）お、ましやがんでぃ言（い）いねえ、自然守（まむ）ゆる事（くと）おあらに。
筆：比嘉清。
【語句】
乙羽岳からぬ眺みどぅやしが、まがいぬあがたあ＝乙羽岳からの遠望であるが、湾の向こうは、
大宜味とぅ国頭なとおん＝大宜味村と国頭村である。
町方慣りいそおる中南部ぬ人ん達からしいねえ＝都会慣れしている中南部の人達からすれば、
写真ぬ如おる景色え、同ぬ沖縄んでえ＝写真のような風景は同じ沖縄とは
思あらんあたい目張い如やん＝思えないほど、印象深い。
山原んかいやいちゃっさきいぬ山々、岳々ぬまんどおしが＝北部にはとても多くの山岳があるが、
いいくる山道え狭ばさい、車しせえ＝多くは山道は狭いし、車では
行ちがたなさぬむんやん＝行きにくいものである。
乙羽岳ん同ぬむんやしが、ちゃあがな車し＝乙羽岳も同様であるが、どうにか車で
行かりいるうっぴしん、ましやん＝行けるだけでも良い方である。
まんぐらんかい何がなぬ施設んでえぬ無えらんでえ＝付近に何らかの施設がなければ、
道え通らんくとぅ、厄介やしが＝道路は作られないので、厄介だが、
うりん仕方あ無えらん＝それも仕方がない。
また、どぅくだら、道造い強さぬ＝だがまた、必要以上に道路を造りすぎて
道ぶったあないねえ、自然ぬ壊っさってぃ＝道路だらけにすれば、自然破壊に
行ちゅくとぅ、うりん又厄介やん＝繋がるのでこれもまた厄介である。
何お、ましやがんでぃ言いねえ＝（では）どれを選択するかといえば、
自然守ゆる事おあらに＝自然を守ることなのではないだろうか。
筆：比嘉清。
この記事へのコメント