超（く）た月（ちち）ぬ末（しい）ぬ景色（ちいち）やん。
買（こう）い物（むん）しからぬ戻（むどぅ）やあ、天（てぃん）ぬ様子（ようし）ぬ異風（いふう）なあやたん。
ふぃるましい形（かたち）ぬ雲（くむ）やるむんでぃ思（うむ）やあい、うぬ足（ふぃしゃ）し、小路小（すうじぐゎあ）んかい車（くるま）淀（ゆどぅ）みやあに、写真（しゃしん）抜（ぬ）じゃるむぬやん。
かあま上辺（うゎあび）んかいや秋（あち）まんぐるぬ田打（たあう）ちい雲（ぐむ）、中（なあか）んかいや夏雲（なちぐむ）（積乱雲）、あんし一番下（いちばんしちゃ）んかいや、白筋（しるしじ）ぬ雲。
三（みい）ちぬ性質（しょうしち）ぬ変（か）わとおる雲ぬ一所（ちゅとぅるく）んじ、縦並（たてぃなら）びそおんしん、ふぃるましいむぬおあらに。
積乱雲（なちぐむ）ぬ下（しちゃ）むてぃいや、写真からあ青（おお）るうなてぃ見（み）ゆしが、実（じゅん）ねえ、大黒（ううぐる）うどぃそおたる。
また、良（ゆ）う見（ん）じいねえ、積乱雲や鳳凰ぬ羽（あに）広（ふぃる）ぎてぃ、飛（とぅ）どおんねえんそおん。
うぬ後（あとぅ）、用事（ゆうじ）ぬあてぃ、中頭（なかぐみ）んかい車（くるま）歩（あ）っかち行（ん）じゃしが、うぬ日（ふぃい、ひい）やふぃちい、大雨（ううあみ）やたん。
筆：比嘉清
超た月ぬ末ぬ景色やん＝先月末の景色である。
買い物しからぬ戻やあ、天ぬ様子ぬ異風なあやたん＝空模様が異様であった。
ふぃるましい形ぬ雲やるむんでぃ思やあい、うぬ足し＝奇妙な形の雲だと思い、その足で、
小路小んかい車淀みやあに、写真抜じゃるむぬやん＝路地に車を停め、写真を撮った次第である。
かあま上辺んかいや秋まんぐるぬ田打ちい雲＝はるか上空には秋頃に多い？羊雲（ウロコ雲）、
中んかいや夏雲（積乱雲）＝中ほどには夏の積乱雲、
あんし一番下んかいや、白筋ぬ雲＝そして一番下には横に棚引く細い雲。
三ちぬ性質ぬ変わとおる雲ぬ一所んじ＝三種類の雲が一か所で
縦並びそおんしん、ふぃるましいむぬおあらに＝縦に重なっているのも珍しくはないだろうか。
積乱雲ぬ下むてぃいや写真からあ青るうなてぃ見ゆしが＝積乱雲の下は写真からは青に見えるが
実ねえ、大黒うどぃそおたる=実際は、黒々としていた。
また、良う見じいねえ、積乱雲や鳳凰ぬ羽広ぎてぃ＝またよく見れば、積乱雲は鳳凰が翼を広げ、
飛どおんねえんそおん＝飛んでいる様にも見える。
うぬ後、用事ぬあてぃ、中頭んかい車歩っかち＝その後、用事があって、中頭へ車で、
行じゃしが、うぬ日やふぃちい、大雨やたん＝移動したが、その日は、一日中、大雨だった。
筆：比嘉清
この記事へのコメント