初（はじ）みに見（ん）ちゃる時（ばす）お、実（じゅん）にぬ岩（しい）やんでぃ思（うむ）とおたしが、近（ちか）くぬ浜端（はまばた）んかい「再現」せえるむんやんでぃち書（か）かっとおる札（ふだ）ぬあん。
んちゃ、札、読（ゆ）でぃから再（また）、良（ゆ）う見（ん）じいねえ、波（なみ）なかい根（にい）ぬ齧（きじ）らってぃ、なあば風儀（ふうじい）んなてえ無（ね）えらんあい、レプリカぎさし見（み）いゆん。
戦前迄（いくさめえ）えあたんでぃぬ事（くとぅ）やしが、壊（くう）りたる行（い）ち成（い）いぬ委細（いせえ）や書かってえ居（をぅ）らん。
いちゃんだん、自然（しじん）に壊（くう）りいる事お無えらん筈（はじ）やくとぅ、いやでぃん、去（ん）じゃる戦（いくさ）ぬばすんじ、艦砲んでえなかい壊（くう）さったるばすがやら。
地（じい）ぬ人（ちゅ）ん達（ちゃあ）なかい、「子宝（くゎだから）岩（しい）」とぅしち、思愛（うみがな）ささっとおたんでぃぬ事。うんな思（うみ）いぬ強（ちゅう）さあてぃぬどぅ、「再現」なたる筈（はじ）。
国（くに）ぬ「出生率」を年々（にんにん）、ふぃなとおしが、沖縄（うちなあ）ぬ「出生率」お、通（とぅう）ち高（たか）さん。
筆：比嘉清。
【語句】
初みに見ちゃる時お実にぬ岩やんでぃ思とおたしが＝最初に見た時は本物の岩だと思っていたが、
近くぬ浜端んかい「再現」せえるむんやんでぃち＝近くの浜端に「再現」したものだと、
書かっとおる札ぬあん＝記された案内板がある。
んちゃ、札、読でぃから再た良う見じいねえ＝なるほど、板を見てから、再度、目を転ずれば、
波なかい根ぬ齧らってぃ、なあば風儀んなてえ＝波に浸食されてキノコ状になって、
無えらんあい、レプリカぎさし見いゆん＝いないし、レプリカのように見える。
戦前迄えあたんでぃぬ事やしが、壊りたる＝戦前まではあったとあるが、壊れた
行ち成いぬ委細や書かってえ居らん＝経緯の詳細は記されていない。
いちゃんだん、自然に壊りいる事お無えらん筈やくとぅ＝自然に崩壊するわけはないので、
いやでぃん、去じゃる戦ぬばすんじ＝あるいは、去った沖縄戦のときに
艦砲んでえなかい壊さったるばすがやら＝艦砲などで破壊されのだろうか。
地ぬ人ん達なかい、「子宝岩」とぅしち＝地元の人々に「子宝岩」として、
思愛ささっとおたんでぃぬ事＝慕われていたとのことである。
うんな思いぬ強さあてぃぬどぅ、「再現」なたる筈＝そんな思いの強さが再現させたのだろう。
国ぬ「出生率」お年々、ふぃなとおしが＝国の「出生率」は年々、減少しているが、
沖縄ぬ「出生率」お、通ち高さん＝沖縄の「出生率」はずっと高い。
筆：比嘉清。
この記事へのコメント