米軍（びいぐん）からくまぬ地（じい）ぬ返（けえ）さりいる前（めえ）や、くりかあや「天久外人住宅地」んでぃ言（い）ちょうたん。
まんぐらあ、あいゆかんぬ大町（うふまち）なてぃ、栄（さけ）えてぃ、くぬ公園（なあ）んいっぺえ広（ふぃる）さん。
町方（まちがた）ぬ公園とぅしちぇえ、一番（いちばん）まぎいあらんがあら。
んちゃ、いかな町（まち）やらわん、うん如（ぐと）おる公園持（なあむ）ちゅるあたいぬゆちみぬ無（ね）えんでえならん筈（はじ）。
平生（ふぃいじい）や、歩（あ）っちにいねえ、赤（あか）ん子（ぐゎ）添（そ）うとおる若（わか）あんまあ達（たあ）がるまんどおしが、土日（どぅうにち）え、別（びち）ぬ人（ちゅ）ん達（ちゃあ）ん遊（あし）でぃが居（をぅ）ら。
うぬ地からぬ回（みぐ）い銭（じん）や、返還前（ふぃんくゎんめえ）ぬ公持（ぐむ）ち銭（じん）とお段変（だんが）わいぬうふぃさんでぃぬ事（くとぅ）。
北谷（ちゃたん）ぬ美浜（みいはま）、うるま市みどり町んまた同（い）ぬ如（ぐとぅ）、銭（じん）ぬ回いぬまぎさんでぃぬ事。
うんな事（くとぅ）考（かんが）えいねえ、沖縄（うちなあ）や軍敷（ぐんしち）故（ゆい）に、長（なげ）えさ、ちゃっさが損（すん）ししみらってぃ来（ち）ゃがらあん分（わ）からん。
筆：比嘉清。
米軍からくまぬ地ぬ返さりいる前や、くりかあや＝米軍からこの地が返還される前はこの一帯は
「天久外人住宅地」んでぃ言ちょうたん＝「天久外人住宅地」と称していた。
まんぐらあ、あいゆかんぬ大町なてぃ、栄えてぃ＝周辺はすごい大都会になって栄えていて、
くぬ公園んいっぺえ広さん＝この公園もかなり広い。
町方ぬ公園とぅしちぇえ一番まぎいあらんがあら＝都心の公園としては最大級ではなかろうか。
んちゃ、いかな町やらわん、うん如おる公園持ちゅる＝どれほどの都会であろうとこうした公園を
あたいぬゆちみぬ無えんでえならん筈＝持つぐらいのゆとりがないといけないだろう。
平生や、歩っちにいねえ、赤ん子添うとおる＝平日に歩いてみると、赤子を連れた
若あんまあ達がるまんどおしが、土日え＝若い母親たちがおおいのであるが、土日となると、
別ぬ人ん達ん遊でぃが居ら＝別の層の人たちもいるのだろうか。
うぬ地からぬ回い銭や、返還前ぬ公持ち銭＝この地の経済効果は返還前の交付金など
とお段変わいぬうふぃさんでぃぬ事＝とは桁違いの大きさだという。
北谷ぬ美浜、うるま市みどり町んまた＝北谷町美浜、うるま市みどり町も
同ぬ如銭回いぬまぎさんでぃぬ事＝同様に経済効果が大きいとの事。
うんな事、考えいねえ、沖縄や軍敷故に＝そんな事を考えると、沖縄は軍用地のために
長えさ、ちゃっさが損ししみらってぃ＝長らく、どれほど損をさせられて
来ゃがらあん分からん＝きたのかしらない。
筆：比嘉清。
この記事へのコメント