戦後（いくさあとぅ）、インヌミ収容所（しゅうゆうじゅ）んでぃゆる所（とぅくる）ぬあたしが、インヌミえ「犬（いん）ぬ目（みい）」でぃぬ意味（ちむええ）やんでぃ言（い）らっとおん。
やしが、生（い）ち物（むし）ぬ名（なあ）から由来（ゆれえ）する地名（じいんなあ）や、じょうい、沖縄風儀（うちなあふうじい）やあらん。
地名ぬ話（はな）しや措（う）ち、インヌミんでえ中部（なかぐみ）まんぐらんじえ、「蚤（ぬみ）」ぬ意味（ちむええ）。
収容所んかい入（い）りらっとおる人（ちゅ）ん達が（ちゃあ）インヌミとぅ闘（たたか）とおる風儀ぬ思（うみ）い浮（う）かぶん。
我（わん）ねえ戦後（いくさあとぅ）ぬ生（ん）まりどぅやしが、小学生（しょうがくしい）時分迄（じぶんまで）え、冬（ふゆ）ぬしてぃみてぃ、起（う）きいねえ、米軍（びいぐん）から下（さ）ぎむんやたる毛布（もうふ、キットゥ）んかい縋（しが）とおるちゃっさきいぬインヌミ、殺（くる）すしがる常（ちに）やたる。
大指（うふいいび）ぬ爪（ちみ）え、いいくる、血（ちい）だらかあ。
うぬ侭（まま、まあまあ）、学校（がっこう）んかい行（ん）じゃん。
うんな有様（ありさま）あ戦後ぬ沖縄（うちなあ）ぬ風儀（ふうじ）やたしが、若者（わかむ）ぬんかい話（はな）しいし、聞（ち）かちん、目（みい）ぱちぱちいびけんどぅする。
筆：比嘉清。
戦後、インヌミ収容所んでぃゆる所ぬあたしが＝戦後、インヌミ収容所というところがあったが、
インヌミえ「犬ぬ目」でぃぬ意味＝インヌミとは、「犬の目」の意味
やんでぃ言らっとおん＝言われている。
やしが、生ち物ぬ名から由来する地名や＝だが、動物の名に由来する地名というのは、
じょうい、沖縄風儀やあらん＝決して、沖縄的（慣習）ではない。
地名ぬ話しや措ち、インヌミんでえ＝地名の事はさておき、インヌミとは
中部まんぐらんじえ、「蚤」ぬ意味＝中部あたりでは、「蚤」の意味である。
収容所んかい入りらっとおる人ん達が＝収容所に収容された人々が
インヌミとぅ闘とおる風儀ぬ思い浮かぶん＝蚤と格闘する風景が思い浮かぶ。
我ねえ戦後ぬ生まりどぅやしが、小学生時分迄え＝私は戦後生まれなのだが、小学生頃までは
冬ぬしてぃみてぃ、起きいねえ、米軍からぬ＝冬の朝、起床すると、米軍からの
下ぎむんやたる毛布んかい縋とおるちゃっさきいぬ＝払下げ毛布に付いていた夥しい数の
インヌミ、殺すしがる常やたる＝蚤を殺すのが日課であった。
大指ぬ爪え、いいくる、血だらかあ＝親指の爪はいつも血だらけ。
うぬ侭、学校んかい行じゃん＝そのままの姿で登校した。
うんな有様あ戦後ぬ沖縄ぬ風儀やたしが＝こうした状況は戦後沖縄の風物詩であたのだが、
若者ぬんかい話しいし、聞かちん＝（今の）若者に話をして、聞かしても、
目ぱちぱちいびけんどぅする＝目をぱちくりさせりだけである。
筆：比嘉清。
この記事へのコメント