あぬ音高（うとぅだか）さる木（きい）ぬ直（し）ぐ側（すば）んかい子小（くゎぐゎあ）ぎさるぐまサキシマスオウノキぬあん。
まぎいや、なあ半世紀（はんしいち）びけえ前（めえ）に見（ん）ちまま、見（ん）ちぇえんだん。
うぬまぎいや、肝（ちむ）ぬ思（うみ）いがやら、半世紀前（めえ）やかぐまくなてえ居（をぅ）らんがあらんでぃ思（うま）ありいるあたいぬ姿（しがた）やたん。
なあふぃんまぎくなてぃが居（をぅ）らんでぃぬ肝当（ちむ）てぃげえんあいがすたらん分（わ）からん。
あらんでえ又（また）、木（きい）ん年取（とぅしとぅ）いねえ、縮（ちぢ）でぃいちゅるむぬがやら。
やしが、くぬぐまあ小（ぐゎあ）や、「我（わん）ねえ、今（なま）からどぅやんど」んでぃ叫（あ）びいとおいぎさん。
側ぬ木やか、若（わか）ってんし、しぷう頑丈（がんじゅう）ぎさん。
右（にじり）むてぃぬ山（やま）ぬ傾（けえ）からあ、大雨（うふあみ）ぬ降（ふ）いねえ、滝水（たちみじ）ぬながりゆるあたい、地（じ）ち中（みい）や水（みじ）ぬまんどおくとぅ、何（ぬう）ぬ心配（しわ）ん無（ね）えん。
うみはまてぃ大（ま）ぎくなりたぼり。
筆：比嘉清。
あぬ音高さる木ぬ直ぐ側んかい子小ぎさる＝あの有名な木の直ぐ側にその子のような
ぐまサキシマスオウノキぬあん＝小さいなサキシマスオウの木がある。
まぎいや、なあ半世紀びけえ前に見ちまま＝大きい方は半世紀ほど前に見たまま、
見ちぇえんだん＝見たことがなかった。
うぬまぎいや、肝ぬ思いがやら、半世紀前やか＝その大きい方は、気のせいか、半世紀前より
ぐまくなてえ居らんがあらんでぃ思ありいる＝小さくなっているのではないかと思われる
あたいぬ姿やたん＝ほどの格好であった（寂しげ？）。
なあふぃんまぎくなてぃが居らんでぃぬ＝もっと、大きくなっているのではという
肝当てぃげえんあいがすたらん分からん＝(私に)期待もあったのかも知れない。
あらんでえ又、木ん年取いねえ、縮でぃいちゅるむぬがやら＝あるいはまた、木も年取れば縮んでいくものなのだろうか。
やしが、くぬぐまあ小や＝だが、この小さい方は、
「我ねえ、今からどぅやんど」んでぃ叫びいとおいぎさん＝「ぼくはこれからだからね」と叫んでいるよう。
側ぬ木やか、若ってえんし、しぷう頑丈ぎさん＝大きい方より若々しく、しぶとい様子。
右むてぃぬ山ぬ傾からあ、大雨ぬ降いねえ＝右側の山の斜面からは、大雨が降れば、
滝水ぬながりゆるあたい、地ち中や＝滝のように水が流れ落ちるほど、地中は
水ぬまんどおくとぅ、何ぬ心配ん無えん＝水が豊富なので、何の心配もない。
うみはまてぃ大ぎくなりたぼり＝懸命に大きくなっておくれ。
筆：比嘉清。
この記事へのコメント