くぬ阿胆（あだん、あだに）ぬ彼方（あがた）あ海端（うみばた）なとおん。
また、うぬ海端ぬ右（にじり）むてぃいんかいや、今（なま）、むさげえとおる辺野古（ふぃぬく）新基地（みいちち）ぬ普請（ぶしん）さっとおる所（とぅくる）なとおん。
うちなあぬ海端あ、いいくる阿旦ぬ生（み）いまんどおん。
琉球国（るうちゅうくく）世（ゆう）んじ、潮風（うすかじ）防（ふし）じゅる為（たみ）なかい、うちなあまじりぬ海端んかい阿旦植（うゐ）いたくとぅやん。
確（たし）かに、阿旦や潮風んかい強（ちゅう）さい、何百年（なんびゃくにん）が後（あとぅ）ぬ今（なま）ちきてぃ、ちゃあ生（み）いそおん。
うりが下（しちゃ）あ太陽（てぃだ、てぃいだ）がたかんなとおくとぅ、海端んじん遊（あし）び易（や）っさん。
阿旦蔭（かあぎ）ぬ中（みい）や、いかな真（まあ）ふっくゎやてぃん、でえじな涼（しだ）さん。
あらん、却（けえ）てえ寒（ふぃい）さるある。
根（にい）や繊維（しじ）ぬ強（ちゅう）さくとぅ、頑丈綱（かんじゅうあみ）ん綯（のう）らりゆい、またうぬ葉（ふぁあ、はあ）や、編（く）でぃ虫駕籠（むしかぐ）そうな得（い）いり物（むぬ）ん作（つく）らりいん。
うんな景色（ちいち、ちしち）や何時迄（いちまでぃ）んありたぼり。
筆：比嘉清。
くぬ阿胆ぬ彼方あ海端なとおん＝このアダンの向こうは海岸（すなはま）である。
また、うぬ海端ぬ右むてぃいんかいや、今＝また、この海岸の右方面には、現在、
むさげえとおる辺野古新基地ぬ普請＝騒がれている辺野古の新基地工事が
さっとおる所なとおん＝行われている場所である。
うちなあぬ海端あ、いいくる阿旦ぬ生いまんどおん＝沖縄の海岸は大抵アダンが生い茂っている。
琉球国世んじ、潮風防じゅる為なかい、うちなあまじりぬ＝琉球国時代に防潮林として、国中の
海端んかい阿旦植いたくとぅやん＝海岸にアダンを植樹したからである。
確かに、阿旦や潮風んかい強さい、何百年が後ぬ＝確かにアダンは潮風に強いし何百年後の
今ちきてぃ、ちゃあ生いそおん＝今日まで、ずっと生え続けている。
うりが下あ太陽がたかんなとおくとぅ＝その下は太陽光線を遮るので、
海端んじん遊び易っさん＝海岸でも遊び易い。
阿旦蔭ぬ中やいかな真ふっくゎやてぃん、でえじな涼さん＝アダン蔭は灼熱下の真昼でも涼しい。
あらん、却てえ寒さるある＝否、むしろ、寒いくらいである。
根や繊維ぬ強さくとぅ、頑丈綱ん綯らりゆい＝根は繊維が強いので頑丈な綱が綯える。
また、うぬ葉や、編でぃ虫駕籠そうな＝また、その葉は編んで、虫篭のような
得いり物ん作らりいん＝おもちゃも作れる。
うんな景色や何時迄んありたぼり＝こういう風景がいつまでもあらんことを。
筆：比嘉清。
この記事へのコメント