シヌグ堂（うるま市）

　浜比嘉島（ばまふぃじゃ）んかいあん。

　中（なか、なあか）んかいあぬ御堂（うどぅう）ぬ事（くとぅ）やん。

「東（あがり）ぬ御嶽（うたき）」んでぃん言（い）ちょおん。南山（なんざん）ぬ平良忠臣とぅうぬ臣下（しんか）７～８人（にん）が隠（かく）り凌（しぬ）じゃる所（とぅくる）やんでぃ伝（ちて）えらあっとおん。

　あんし、うぬ人（ちゅ）ん達（ちゃあ）やまんぐらぬ地（じい）ん人（ちゅ）んかい頼（たぬ）でぃ用心（ゆうしん）しみたんでぃぬ事（くとぅ）。

　沖縄（うちなあ）んじ戦跡（いくさあとぅ）んでぃ言（い）いねえ、いいくる去（ん）じゃる沖縄戦（うちなあいくさ）ぬ戦跡ぬ事どぅ言（ゆ）しが、かあま昔（んかし）ぬ南山戦ぬ迹（あとぅ）やるしいじやん。

　うぬ南山戦が又（また）琉球（るうちゅう）纏（まる）ちゅる戦とぅかがなてぃが居（う）たら、あらんでえまたかがなてえ居らんがあたら。

　あんし、くぬ島（しま）んじえ、旧暦（うちなあぐゆみ）６月（るくぐゎち）とぅ８月（はちぐゎち）んじシヌグ祭（まちい）ぬあん。

　シヌグ祭んでえ、山原（やんばる）んかいあしが、同（い）ぬ風儀（ふうじい）ぬむぬがやら。

　うぬ堂ぬ周（まあ）いや、かじまるはじみ、木（きい）ぬ生（み）いまんでぃ、何（ぬう）がな挌護（かくぐ）そおる風儀んやん。

筆：比嘉清。

---

浜比嘉島んかいあん＝浜比嘉島にある。

中んかいあぬ御堂ぬ事やん＝中にある御堂のことである。

「東ぬ御嶽）」んでぃん言ちょおん＝「東の御嶽」ともいう。

南山ぬ平良忠臣とぅうぬ臣下７～８人＝南山の平良忠臣と彼の供（家来？）７～８人が

隠り凌じゃる所やんでぃ伝えらあっとおん＝隠れ凌いだ場所だと伝えられている。

あんし、うぬ人ん達やまんぐらぬ地ん人んかい頼でぃ＝そして、彼等は周辺の地元の人に頼んで、

用心しみたんでぃぬ事＝警戒をさせたのこと。

沖縄んじ戦跡んでぃ言いねえ、いいくる去じゃる沖縄戦ぬ＝沖縄で戦跡と言えば、殆どは沖縄戦の

戦跡ぬ事どぅ言しが、かあま昔＝戦跡のことをいうのであるが、遥か昔の

南山戦ぬ迹やるしいじやん＝南山戦争の戦跡のことなのである。

南山戦が又琉球纏ちゅる戦とぅかがなてぃが＝その南山戦争があるいは琉球統一と関係して

居たら、あらんでえまたかがなてえ居らんがあたら＝いたのか、いなかったのか（？）。

あんし、くぬ島んじえ、旧暦６月とぅ８月んじ＝そして。この島では旧暦６月と８月に

シヌグ祭ぬあん＝シヌグまつりがある。

シヌグ祭んでえ、山原んかいあしが＝シヌグ祭といえば、山原にもあるが、

同ぬ風儀ぬむぬがやら＝同じ類のものなのか、違うのか。

うぬ堂ぬ周いやかじまるはじみ木ぬ生いまんでぃ＝その御堂の周囲はがじまる初め木が生い茂り

何がな挌護そおる風儀んやん＝何かを匿っているようでもある。

筆：比嘉清。