だっちょう花（糸満市）

　だっちょう(辣韭)花（ばな）あ、又、暴風花(ぼうふうばな)とぅか台風花（てえふうばな）んでぃん言（い）らっとおん。

　花（はな）ぬ咲（さ）ちい様（よう）や節（しち）とお関（かが）なてえ居（をぅ）らな、いっそうまあや、ただぬゆむく草(くさ)どぅやる。

　今（なま）にん、けえ枯（か）りいがすらんでぃ思（うま）ありいるあたい、葉(ふぁあ)ん茎(ふに)ん垂（だ）りてぃ、ちゃあ倒（とお）りいしどぅ居（をぅ）しが、大雨（うふあみ）ぬ幾日（いくにち）がな続（ちじ）ちゅるばあや、同（い）ぬ草（くさ）でえ思（うま）あらんあたい、今度（くんど）お又（また）、いいくる、ちゅうちゃん、いっそうから咲（さ）ち被（かん）じゅん。

　片降（かたぶ）いぐれえぬ大雨（うふあみ）せえ、じょうい、咲（さ）かんしん、又ふぃるましむんやん。

　やくとぅどぅ、暴風(台風)花んでぃが言（い）ちょおら。

　花ぬ色（いる）お、黄色（ちいる）ぬどぅまんどおしが、桜色（さくらいる）んあん。

　山毛（野、やまもう）んじ見（ん）だりいしが、人家（ちゅやあ）ぬ道（みち）ぬ縁石（ふちいし）なありいん咲（さ）ちょおしえ、見事（みぐとぅ）やい、いいりきさんあん。

筆：比嘉清。

---

だっちょう(辣韭)花あ、又、暴風花とぅか＝ダッチョウ花はまた、暴風花とか

台風花んでぃん言らっとおん＝台風花とも言われている。

花ぬ咲ちい様や節とお関なてえ居らな＝花の咲き方は、季節とは関係なく、

いっそうまあや、ただぬゆむく草どぅやる＝普段は、只の雑草にすぎない。

今にん、けえ枯りいがすらんでぃ思ありいるあたい＝今にも枯れてしまうのでは思われる程、

葉ん茎ん垂りてぃ、ちゃあ倒りいしどぅ居しが＝葉も茎も萎びて、倒れっぱなしなのだが、

大雨ぬ幾日がな続ちゅるばあや、同ぬ草んでえ＝大雨が数日、続く場合は同じ草とは

思ありらんあたい、今度お又、いいくる＝思われないほど、今度はまた、

ちゅうちゃん、いっそうから咲ち被じゅん＝突然、片っ端から、一斉に咲き乱れる。

片降いぐれえぬ大雨せえ、じょうい＝たとえ、大雨でもにわか雨程度では、決して、

咲かんしん、又ふぃるましむんやん＝咲かないのも、また、珍しいというほかない。

やくとどぅ、暴風(台風)花んでぃが言ちょおら＝だからこそ、暴風(台風)花というのだろうか。

花ぬ色お、黄色ぬどぅまんどおしが、桜色んあん＝花の色は多くは黄色だが、ピンクもある。

山毛（野）んじ見だりいしが、人家ぬ道ぬ＝山野で見うけられるが、住宅街の道路の

縁石なありいん咲ちょおしえ＝縁石沿いで（一斉に）咲いているのは、

見事やい、いいりきさんあん＝見事であり、愉快である。

筆：比嘉清。