実（じゅん）にぬ滝（たち）えあらん。
雨降（あみふ）い後（あとぅ）ぬ流（なが）り落（う）てぃ水（みじ）どぅやる。
やぐとぅ、下（しちゃ）んかいや小堀（くむい）や無（ね）えらん。
くりかあや、いやでぃん、ちゃっさぬ荒降（あらぶ）いぬあらわん、土砂（んちゃしな）ぬしんでぃてぃ、ざあふぇえないる事（くと）お無（ね）えらん筈（はじ）。
何（ぬ）がんでえ、写真（しゃしん）ぬ如（ぐとぅ）、山（やま）やいいくる岩石（しいいし）から成（な）とおる筈（はじ）やくとぅやん。
あんし、うぬ水え近（ちか）くぬ福地川（ふくちがあら）んかい流（なが）りてぃどぅ行（い）ちゅら。
今度（くんど）お特（かわ）てぃ、雨年（あみどぅし）やたん。
小満雨（すうまんあみ）ん芒種雨（ぼうすうあみ）ん、いっそうまやか強（ちゅう）さたい、夏（なち）ん雨えまんどおたん。
１１月（じゅういちぐゎち）え大概（てえげえ）や良（い）いうゎあちちぬ続（ちぢ）ちゅしが、今度お雨節（あみしち）んでぃ言（い）ちん済（し）むのおあらに。
やしが、雨降い固（ぐふぁ）さぬ水渇（みじかち）けえなゆしやかや、まし。
世界（しけ）ぬあまくまんじえ、大水（ううみじ）なかい害（げえ）さっとおる所（とぅくる）んあん。
水え、ちゃあ命水（ぬちみじ）とぅしちありたぼり。
筆：比嘉清。
実にぬ滝えあらん＝本当の滝ではない。
雨降い後ぬ流り落てぃ水どぅやる＝雨後の流れ水である。
やぐとぅ、下んかいや小堀や無えらん＝だから、下に滝壺はない。
くりかあや、いやでぃん、ちゃっさぬ荒降いぬあらわん＝この辺は、どんな大降りでも、きっと、
土砂ぬしんでぃてぃ、ざあふぇえないる事お無えらん筈＝土砂崩れで、害を受ける事はないかも。
何がんでえ、写真ぬ如、山やいいくる岩石から＝なぜなら、写真で見るように山肌は岩石で
成とおる筈やくとぅやん＝できているかもしれないからだ。
あんし、うぬ水え近くぬ福地川んかい＝そうして、この流れ水は近くの福地川に
流りてぃどぅ行ちゅら＝注ぎ込まれていくのであろうか。
今度お特てぃ、雨年やたん＝今年は特に雨の多い年であった。
小満雨ん芒種雨ん、いっそうまやか強さたい＝梅雨は例年より、強烈で、
夏ん雨えまんどおたん＝夏でも雨は多かった。
１１月え大概や良いうゎあちちぬ続ちゅしが＝１１月は例年だと、穏やかな天候なのだが、
今度お雨節んでぃ言ちん済むのおあらに＝今年は雨季と言っても良いのかも。
やしが、雨降い固さぬ水渇けえなゆしやかや、まし＝だが、雨が降らず渇水になるよりは良い。
世界ぬあまくまんじえ、大水なかい＝世界のあちこちで、洪水で
害さっとおる所んあん＝被害を受けた地域もある。
水え、ちゃあ命水とぅしちありたぼり＝どうか、水はいつでもどこでも命の水でありますように。
筆：比嘉清。
この記事へのコメント