何（ぬう）がやら、あながちさる道（みち）えあらに。
くぬ道えバスん通（とぅう）らん裏道（うらみち）どぅやしが、歩（あ）っちゅるうっぴしん、肝（ちむ）うらあきらりいん。
大道（うふみち）え、うぬ写真（しゃしん）ぬ左（ふぃざい）むてぃぬいふぃえ上（あ）がとおるとぅくるんかいあしが、町方（まちがた）ねえし、どぅくだら車（くるま）ぬまんでどおん。
うんな大道んかい比（くな）びいねえ、くぬ道え、実（じゅん）に別（びち）ぬシマがやらんでぃ思（うみ）いゆるあたい静（しじ）かやん。
美（ちゅ）ら落（う）てぃ太陽（てぃだ）、眺（なが）みゆし、まししがやら、ホテルとぅかゐいりき所（どぅくる）お、いいくる西（いりい）ぬ海端（うみばた）なありんかい、揃（すら）あさっとおる事（くとぅ）んあてぃ、いいばす、東側（あがりばた）あ昔風儀（んかしふうじ）ぬうちなあぬ風景（ちいち）ぬなあだ残（ぬく）とおん。
くまから右（にじり）むてぃんかい行（い）ちいねえ、西側とぅ変（か）わらんあたいぬ美ら海ぬ広（ふぃる）がとおん。
うちなあぬ海えまあん、大概（てえげえ）、同（い）ぬむんやしえやしが…。
筆：比嘉清
何がやら、あながちさる道えあらに＝なんだか、懐かしい感じのする道ではないか。
くぬ道えバスん通らん裏道どぅやしが＝この道はバスも通らない裏道なのだが、
歩っちゅるうっぴしん、肝うらあきらりいん＝歩くだけで癒される。
大道え、うぬ写真ぬ左むてぃぬいふぃえ＝大通り（幹線）はこの写真の左側の少し
上がとおるとぅくるんかいあしが、町方ねえし＝高い所にあるが、都市部のように
どぅくだら車ぬまんでどおん＝車が多い。
うんな大道んかい比びいねえ、くぬ道え実に＝そういう大通りに比べると、この道は本当に
別ぬシマがやらんでぃ思いゆるあたい静かやん＝別世界かと思う程、静かである。
美ら落てぃ太陽、眺みゆし、まししがやら＝美しい夕陽が眺められることを好んでなのか、
ホテルとぅかゐいりき所お、いいくる西ぬ海端なありんかい＝ホテルや観光地は大抵西海岸沿いに
揃あさっとおる事んあてぃ、いいばす、東側あ＝集中していることもあって、結果、東海岸側は、
昔風儀ぬうちなあぬ風景ぬなあだ残とおん＝昔風の沖縄の風景らしいものが残っている。
くまから右むてぃんかい行ちいねえ＝ここから右側に足を伸ばすと、
西側とぅ変わらんあたいぬ美ら海ぬ広がとおん＝西海岸と変わらない程の美しい海が広がる。
うちなあぬ海えまあん大概、同ぬむんやしえやしが…＝沖縄の海はどこも殆ど同じではあるが…。
筆：比嘉清
この記事へのコメント