海遊（うみあし）びしいがあ、本土（やまとぅ）からぬ観光客（くゎんこうちゃく）お、まあんかい行（い）ちゅしが、地（じい）ん人（ちゅ）にとぅてえ、近（ちか）さる所（とぅくる）おまし。
くまあ中（なあか）んやい、また、本島（ぢぢうち）とお、橋（はし）し繋（ちな）がっとおくとぅ、まあからん来（ち）い易（や）っさん。
西方（いりいかた）んかいや、国頭（くにがみ）から島尻迄（しまじりまでぃ）見（み）いゆん。
早（ふぇえ）くお、太陽（てぃだ）なかい焼（や）かりいる事（くとぅ）、くしし、なんぞお、海遊（うみあし）びえさんたるむぬやしが、今（いま）あ「日焼（ふぃいや）き止（どぅ）みクリーム」でぃしんあい、真夏（まなち）ぬまあふっくゎやらわん、遊びいが行かりいん。
去年迄（くずまで）え新（みい）コロナから軽石（からし）ぬ事（くとぅ）し、むさげえとおたしが、今度（くんどぅ）からあ、落（う）てぃ着（ち）ちょおんねえそおん。
うとぅるさしん、さんてぃん、自然（しじん）なかいや、かなあのおあしが、ちゃあ、用心（ゆうじん）そおちゅしえまし。
まあがなんじ、肝（ちむ）うらあきしんだな。
筆：比嘉清。
海遊びしいがあ、本土からぬ観光客お、まあんかい＝海遊びには、本土からの環境客はどこにも
行ちゅしが、地ん人にとぅてえ、近さる所おまし＝地元人にとっては、近場がよい。
くまあ中んやい、また本島とお橋し＝ここは中部でもあり、本島とは橋で
繋がっとおくとぅ、まあからん来い易っさん＝繋がれていることもあり、どこからでも来やすい。
西方んかいや、国頭から島尻迄見いゆん＝西方には国頭から島尻まで見渡せる。
早くお、太陽なかい焼かりいる事、くしし＝以前は日焼けするの懼れ、
なんぞお、海遊びえさんたるむぬやしが、今あ＝そんなに海遊びはしなかったのであるが、今は
「日焼き止みクリーム」でぃしんあい、真夏ぬ＝「日焼け止めクリーム」なるものもあり、真夏の
まあふっくゎやらわん、遊びいが行かりいん=灼熱の真昼であろうと、遊びに行ける。
去年迄新コロナから軽石ぬ事しむさげえとおたしが＝昨年迄新型コロナや軽石で騒がしかったが、
今度からあ落てぃ着ちょおんねえそおん＝今年になって、落ち着いている様子だ。
うとぅるさしん、さんてぃん、自然なかいや＝畏れても恐れなくても大自然には
かなあのおあしが、ちゃあ＝立ち向かっても限界があるが、引き続き
用心そおちゅしえまし＝用心するにこしたことはない。
まあがなんじ肝うらあきしんだな…＝どこかで、こころを癒そうではないか。
筆：比嘉清。
この記事へのコメント