町方（まちがた）ぬ大道（うふみち）ぬ後（くさあ）んかあぬ小路小（すうじぐゎあ）なとおん。
写真見（しゃしんん）ちぬ通（とぅう）い、小路ぬ側（すば）なありいんかい溝小（んずぐゎあ）ぬ流（なが）りとおん。
てげえぬ町方ぬ溝小やれえ、シミントゥなかい支（し）こうらっとおる蓋（ふた）なかい、けえ覆（う）すらってぃ、うぬ上（うゐい）から人（ちゅ）ん車（くるま）ん歩（あ）っかりいんねえし、けえ造（つく）らっとおしが、うぬ溝小や変（か）わとおん。
水（みじ）え、いいくる近（ちか）くぬ泉（んずん）から流りとおむぬやる事（くとぅ）んあてぃがやら、清（ちゅら）らさん。
うぬ周（まあ）いや飾（かざ）い石（いし）ぬ組（く）まってぃ、美（ちゅ）らく支こおらっとおん。
長（な）ぎえ４００Ｍ（ミーター）余（あま）いあん。
所（とぅくる）にゆてえ、菖蒲（しょうぶ）ぬ花（はな）ん植（うゐ）いらっとおい、はあべえるう、ああけえずうから、とんとんみいそうな虫小（むしぐゎあ）ん、まんでぃ、いそうさぎさそおん。うぬ流り水え、前（めえ）にうみかきたる滝小（たきぐゎあ）んかい落（う）てぃ行（い）ちゅん。
実（じゅん）に肝（ちむ）うらあき所（どぅくる）なとおん。
筆：比嘉清。
町方ぬ大道ぬ後んかあぬ小路小なとおん＝市街地の大通りの裏にある路地である。
写真見ちぬ通い、小路ぬ側なありいんかい＝写真を見ての通り、路地に沿って
溝小ぬ流りとおん＝小川（溝）が流れている。
てげえぬ町方ぬ溝小やれえ、シミントゥなかい＝大抵の市街地の溝なら、セメントで
支こうらっとおる蓋なかい、けえ覆すらってぃ＝造られた蓋で、覆ってしまい、
うぬ上から人ん車ん歩っかりいんねえし＝その上から人も車も通れるように、
けえ造らっとおしが、うぬ溝小や変わとおん＝造ってしまうのだが、この溝は別だ。
水え、いいくる近くぬ泉から流りとおむぬ＝水の殆どは近くの泉から流れてくる
やる事んあてぃがやら、清らさん＝事もあって、きれいだ。
うぬ周いや飾い石ぬ組まってぃ＝周囲には庭石が組まれ、
美らく支こおらっとおん＝きれいに整備されている。
長ぎえ４００Ｍ余いあん＝（溝の）全長は４００M余りある。
所にゆてえ、菖蒲ぬ花ん植いらっとおい＝場所によっては菖蒲の花も植えられていて、
はあべえるう、ああけえずうから、とんとんみいそうな＝蝶々、トンボ、ミズスマシ等の
虫小ん、まんでぃ、いそうさぎさそおん＝昆虫も多くいて、嬉しそうである。
うぬ流り水え、前にうみかきたる＝この流水は、以前に（このブログで）記事にした
滝小んかい落てぃ行ちゅん=小さな滝に落ちて行く。
実に肝うらあき所なとおん＝ほんとうに癒される場所である。
筆：比嘉清。
この記事へのコメント