写真（しゃしん）や「あがいバーリー」。
糸満（いとぅまん、いくまん）ぬんかいやハーリーや三所（みとぅくる）んかいあん。
糸満、名城（なあぐしく）あんしくまぬ喜屋武（ちゃん）ぬ三所。
昔（んかし）からいいくる、「ハーリー鉦（がに）ぬ鳴（な）いねえ梅雨（ちゆ）ぬ明（あ）きいん」んでぃ、言（い）らっとおしが、今度（くんどぅ）お糸満ぬん名城ん梅雨ぬ明きらんまあどぅ、フライング風儀（ふうじい）さあに、ハーリ―勝負（しゅうぶ）けえしそおたしが、うりん済（し）むん。
だあ、あんせえ、今度お空梅雨（んなちゆ）どぅやたい、また、３～４年（さんゆにん）が間（うゑえだ）、コロナ故（ゆい）にならんたくとぅ、肝焦（ちむあ）さがちんあいがすたら。
やしが、くま喜屋武ぬばあや、いいばす、梅雨明きぬ日（ふぃい）やたん。
前（めえ）ぬ日（ふぃい）や雨（あみ）ぬ降（ふ）やあに、なあ明日（あちゃ）あ晴（は）りぬ前知（めえし）らしやたくとぅ、気象庁（ちしょうちょう）ん、「とお今（なま）やさ」んでぃち、「梅雨明（あ）き叫（あ）びい」がしちゃら。
やしが、コロナや又（また）ふい返（けえ）ちょおん。
筆：比嘉清。
写真や「あがいバーリー」＝写真は「結びのハーリー」。
糸満ぬんかいやハーリーや三所んかいあん＝糸満市ではハーリーは三か所にある。
糸満、名城あんしくまぬ喜屋武ぬ三所＝糸満、名城そしてここの喜屋武の三か所。
昔からいいくる、「ハーリー鉦ぬ鳴いねえ梅雨ぬ明きいん」んでぃ＝昔からよく「ハーリ―鉦が鳴れば梅雨が明ける」と
言らっとおしが、今度お糸満ぬん名城ん＝言われているが、今年は糸満も名城も
梅雨ぬ明きらんまあどぅ、フライング風儀さあに＝梅雨が明けない中にフライング的に
ハーリ―勝負けえしそおたしが、うりん済むん＝ハーリ―競争を終えたが、それも仕方ない。
だああんせえ、今度お空梅雨どぅやたい、また＝だって、今年は空梅雨だったのであり、又、
３～４年が間、コロナ故にならんたくとぅ＝３～４年もの間コロナ禍でできなかった事もあって
肝焦さがちんあいがすたら＝焦りもあったのあろうか。
やしが、くま喜屋武ぬばあや、いいばす、梅雨明きぬ日やたん＝だが、ここ喜屋武の場合は、タイミングよく梅雨明けの日だった。
前ぬ日や雨ぬ降やあに、なあ明日あ晴りぬ前知らしやたくとぅ＝前日は雨で翌日は晴れの予報だったので、
気象庁ん、「とお今やさ」んでぃち＝気象庁も「それ今だ」とばかり、
「梅雨明き叫びい」がしちゃら＝「梅雨明け宣言」をしたのだろうか。
やしが、コロナや又ふい返ちょおん＝だが、コロナは再びぶり返している。
筆：比嘉清。
この記事へのコメント