「伊集（んじゅ、いじゅ）ぬ木（きい）ぬ花（はな）や あんちゅらさ咲（さ）ちゅい 我身（わみ）ん伊集やとてぃ 真白（ましら）咲かな」んでぃち邊野喜節（びぬちぶし）なかい歌（うた）あらっとおん。
写真（しゃしん）ぬ伊集ぬ花（はな）あ、丁度（ちょうどぅ）、咲ち被（かん）とおんねえ見（み）ゆしが、実（じち）え、６月（るくぐゎち）まんぐらから咲ち始（はじ）みやあに、夏（なち）ぬ間（うゑえだ）、通（とぅう）ち、咲ちょおん。
あんし、幾回（いくけ）ぬん咲ち被てえ居（をぅ）らんがあらんでぃ思（うむ）ゆん。
白花（しるばな）あ夏ぬ太陽（てぃだ、てぃいだ）なかい照（てぃ）らさってぃくゎらくゎらすん。
真夏（まなち）ぬまあふっくゎぬイルミネーション風儀（ふうじい）がやら。
戦前（いくさめえ）やれえ、道端（みちばた）ぬゆむ草（くさ）あ諸刈（むるか）らってぃ、石垣囲（いしがちがく）いぬ赤瓦（あかがあら）ぬうぬ伊集ぬ木ぬ後（くさあ）、くしん）かいあれえ、白花あ、なあふぃん美（ちゅ）らく見（み）いゆたる筈（はじ）。
別（びち）ぬ民謡（ふぁあうた）んかいあぬ「夏花（なちぱな）」あ「木綿花（むみんぱな）」ぬ事（くとぅ）どぅやしが、木綿花あ、まあにんあるむぬおあらん。
やしが、くぬ伊集ぬ木やまあにんあん。
筆：比嘉清。
「伊集ぬ木ぬ花や あんちゅらさ咲ちゅい＝「伊集の木の花は、こんなにも美しく咲くし、
我身ん伊集やとてぃ 真白咲かな」んでぃち＝私（の名も同じ）伊集だし真っ白く咲こうかな」と、
邊野喜節なかい歌あらっとおん＝邊野喜節（古典）に歌われている。
写真ぬ伊集ぬ花あ、丁度、咲ち被とおんねえ＝写真の伊集の花は、丁度、満開のように
見ゆしが、実え、６月まんぐらから咲ち始みやあに＝見えるが、実は６月頃から咲き始めて、
夏ぬ間、通ち、咲ちょおん＝夏の間、ずっと、咲いている。
あんし幾回ぬん咲ち被てえ居らんがあらんでぃ思ゆん＝そして何回も「満開」になるのかと思う。
白花あ夏ぬ太陽なかい照らさってぃくゎらくゎらすん＝白い花は夏日に照らされてキラキラする。
真夏ぬまあふっくゎぬイルミネーション風儀がやら＝真夏の真昼のイルミネーションという事か。
戦前やれえ、道端ぬゆむ草あ諸刈らってぃ＝戦前なら道端の雑草はすべて刈り取られ、
石垣囲いぬ赤瓦ぬうぬ伊集ぬ木ぬ後かいあれえ＝石垣囲いの赤瓦がその伊集の木の背景にあれば、
白花あ、なあふぃん美らく見いゆたる筈＝白い花はもっと、美しく映えていたであろうか。
別ぬ民謡んかいあぬ「夏花」あ「木綿花」ぬ事＝別の民謡にある「夏花」とは「木綿花」の事
どぅやしが、木綿花あ、まあにんあるむぬおあらん＝なのであるが、木綿花はめったにない。
やしが、くぬ伊集ぬ木やまあにんあん＝だけど、この伊集の木ならどこにでもある。
筆：比嘉清。
この記事へのコメント