伊江島（いいじま）あ、島（しま）ぬ真（ま）ん中（なか）んかい立（た）っちょおるイージマタッチュウ（城山）ぬどぅく、目立（みいだ）っちゅくとぅ、肝（ちむ）ぬ向（ん）かゆる島（しま）やん。
船（ふに）し３０分（ぷん）びけえんし、行（い）かりいくとぅ、行ちい易（や）っさる所（とぅくる）んやん。
芝居（しばい）ぬ「伊江島ハンドゥー小（ぐゎあ）」しん名（なあ）ぬ立（た）っちょおる島やしが、去（ん）じゃる沖縄戦（うちなあいくさ）ぬばすお、二人（たい）に一人（ちゅい）や亡（ま）あちゃる事（くとぅ）んあい、一番（いちばん）ぬ悲（な）ちかさる島んまたやん。
戦後（いくさあとぅ）お、米軍（びいぐん）なかい島ぬ３５％余（あま）いなあん、飛行場（ひこうじょう）とぅしち取（とぅ）らっとおん。
やしが、伊江島あ百合祭（ゆいまちい）とぅか、マラソン大会（てえくぇえ）んでえぬ催（むゆう）し物（むん）さいし、うみはまとおん。
何（ぬう）やかん、イージマタッチュウぬあるうっぴし、人（ちゅ）、行（い）ち欲（ぶ）しゃしみゆる果報（かふう）な島んやん。
あんし、うぬタッチュウぬ頂迄（ちじまでぃ）登（ぬぶ）らりいん。
足（ふぃしゃ）ぬ頑丈（がんじゅう）されえ。
筆：比嘉清。
伊江島あ、島ぬ真ん中んかい立っちょおる＝伊江島は島の中央に立っている
イージマタッチュウ（城山）ぬどぅくだら＝イージマタッチュウ（城山）がすごく、
目立っちゅうとぅ肝ぬ向かゆる島やん＝目立つので気持ちが向く島である。
船し３０分びけえんし、行かりいくとぅ＝フェリーで３０分でいけるので、
行ちい易っさる所んやん＝行きやすいところでもある。
芝居ぬ「伊江島ハンドゥー小」しん名ぬ立っちょおる＝芝居「伊江島ハンドゥ-小でも知られた
島やしが、去じゃる沖縄戦ぬばすお、二人に一人や＝島であるが、去った沖縄戦では二人に一人が
亡あちゃる事んあい、一番ぬ悲ちかさる島んまたやん＝戦死した事もあり一番悲しい島でもある。
戦後お、米軍なかい島ぬ３５％余いなあん＝戦後は、米軍に島の３５％以上も
飛行場とぅしち取らっとおん＝（軍用）飛行場として取られている。
やしが、伊江島あ百合祭とぅかマラソン大会んでえぬ＝だが伊江島は百合祭やマラソン大会等の
催し物さいし、うみはまとおん＝イベントを実施するなどして頑張っている。
何やかん、イージマタッチュウぬあるうっぴし＝何より、イージマタッチュウがあるだけで、
人、行ち欲しゃしみゆる果報な島んやん=人をひきつける幸せな島である。
あんし、うぬタッチュウぬ頂迄登らりいん＝そして、そのタッチュウの頂上迄登る事ができる。
足ぬ頑丈されえ…＝足が丈夫なら…。
筆：比嘉清。
この記事へのコメント