藪地島（やぶちじま）あ、うふじんかいたっくゎゆんねえしあしが、南城市ぬ奥武島（おう）やかやいふぃ小（ぐゎあ）や離（はな）りとおん。
やしが、二（たあ）ちぬ島（しま）ぬ使（ちけ）え道（みち）え、今（なま）ん昔（んかし）ん違（ちが）とおん。
「奥武島（おう）」んでぃゆる名（なあ）ぬ島（しま）あ沖縄（うちなあ）んかいや幾（いく）ちんあん。
今あ、あねえあらんしが、かあま昔え、亡（ま）あちょおるっ人（ちゅ）置（う）ちゅる如（ぐとぅ）、使あらっとたんでぃぬ事（くとぅ）。
やしが、くぬ藪地島あ人（ちゅ）ぬ住（し）めえ島（じま）やたん。
ガマからあ昔ぬ道具物（どうぐむん）ぬ見（み）い当（あ）てぃらったい、掘（ふ）い出（ん）じゃさったいすん。
今あ奥武島とぅ違てぃ、いいくる人お住でえ居（をぅ）らんあい、ゐいりき所（どぅくる）とぅしちん、使あってえ居らん。
屋慶名（やきな）んでえ地（じい）ん人にとぅてえ、拝所（うがんどぅくる）なとおくとぅやん。
沖縄んじえ聖地（うがみどぅくる）とぅなとおる所お、いいくる昔ぬままぬ姿形（しがたかたち）なかい残（ぬく）とおん。
今から後（あとぅ）ん変（か）わらん事（くとぅ）ゆ念（にん）じらな。
筆：比嘉清
藪地島あ、うふじんかいたっくゎゆんねえしあしが＝藪地島は本島にくっ付くように存在するが、
南城市ぬ奥武島やかやいふぃ小や離りとおん＝南城市の奥武島よりは少し本島から離れている。
やしが、二ちぬ島ぬ使え道え、今ん昔ん違とおん＝だが、ニつの島の使い方は今も昔も変わる。
「奥武」んでぃゆる名ぬ島あ沖縄んかいや幾ちんあん＝「奥武」という島名は県内に幾つもある。
今あ、あねえあらんしが、かあま昔え、亡あちょおるっ人＝今はそうではないがずっと昔は死人を
置ちゅる如、使あらっとたんでぃぬ事＝安置する場所として使用していたとの事である。
やしが、くぬ藪地島あ人ぬ住めえ島やたん＝しかし、この藪地島は人が住んでいた島であった。
ガマからあ昔ぬ道具物ぬ見い当てぃらったい＝洞窟からは古い時代の土器が発見されたり、
掘い出じゃさったいすん＝掘り出されたりする。
今あ奥武島とぅ違てぃ、いいくる人お住でえ居らんあい＝今は奥武島と異なり、無人であり、
ゐいりき所とぅしちん、使あってえ居らん＝観光向けにも使用されてない。
屋慶名んでえ地ん人にとぅてえ、拝所なとおくとぅやん＝屋慶名等地元にとっては拝所だからだ。
沖縄んじえ聖地とぅなとおる所お＝沖縄では、聖地となっているところは、
いいくる昔ぬままぬ姿形なかい残とおん＝殆ど、昔のままの姿で残されている。
今から後ん変わらん事ゆ念じらな＝今後も変わていかないことを祈る。
筆：比嘉清
この記事へのコメント