新（みい）コロナ故（ゆい）に三年（さんにん）が間（うゑえだ）ならんたる糸満綱引（いとぅまんちなふぃち）ぬ一昨日（うってぃい）ぬ十五夜（じゅうぐや）、四年越（ゆにんぐ）しなかい催（むゆう）さったん。
雨模様（あみむゆう）んやい、道揃（みちずね）え人数（にんず）ぬまんでぃがやたら、綱（ちな）ぬ引（ふぃ）かったしえ、雨ぬ降（ふ）い始（はじ）またる夕（ゆ）さんでぃどぅけえなとおたる。
写真写（しゃしんうち）い薄暗（ううぐら）さしえ、うぬ故やん。
旗頭（はたがしら）や、なあシマ毎（かじ）に作（つく）い様（よう）ぬ変（か）わゆい、いっぺえ、うゐいりきむんやん。
道ずねえぬ人数（にんず）ん、ゐいきりむんやたん。あんまあ達（たあ）踊（をぅどぅ）いからあんぐゎあ達踊い。
また御主前達（うしゅんめえたあ）ぬチョンダラー舞（もう）いから二才達（にせえたあ）ぬ棒（ぼう）んあたん。
あんし、道揃ねえぬ遂（とぅ）じゅみえ、白銀堂ぬ御神屋（うかみやあ）ぬ中（なか、なあか）んじ舞い押上（うしゃぎ）ぎゆる事（くとぅ）やたん。
いいくる旧（んかし）糸満町びけんぬ催し物（むん）どぅやしが、那覇祭（なあふぁまちい）にん負（ま）きらんあたい、んずみてぃ、華（はね）えちょおたん。
筆：比嘉清。
新コロナ故に三年が間ならんたる糸満綱引ぬ＝新型コロナ禍で三年間できなかった糸満綱引が
十五夜ぬ一昨日、四年越しなかい催さったん＝十五夜の一昨日、４年振りに実施された。
雨模様んやい、道じゅねえ人数ぬまんでぃがやたら＝雨模様でもあり、行列参加者が多かった為か
綱ぬ引かったしえ、雨ぬ降い始またる＝結局、綱が引かれたのは雨が降り始めた
夕さんでぃどぅけえなとおたる＝夕方になってからであった。
写真写い薄暗さしえ、うぬ故やん＝写真が写り映えしないのはそのためである。
旗頭や、なあシマ毎に作い様ぬ変わゆい＝旗頭は集落ごとにその作り方が異なるし
いっぺえ、うゐいりきむんやん＝とても面白いものであった。
道ずねえぬ人数ん、ゐいきりむんやたん＝おねり人たちも楽しいものであった。
あんまあ達踊いからあんぐゎあ達踊い＝ご婦人の踊りから少女たちの踊り。
また御主前達ぬチョンダラー舞いから＝それに、ご年配方のチョンダラー舞いから
二才達ぬ棒んあたん＝青年たちの棒術舞まであった。
あんし、道揃ねえぬ遂じゅみえ、白銀堂ぬ＝そして、おねりの最後は白銀堂の
御神屋ぬ中んじ舞い押上ぎゆる事やたん＝神前で踊りを奉納するのである。
いいくる旧糸満町びけんぬ催し物どぅやしが＝殆ど旧糸満町だけの行事なのだが、
那覇祭にん負きらんあたい、んずみてぃ、華えちょおたん＝那覇祭に引けをとらないほど、とても、盛り上がっていた。
筆：比嘉清。
この記事へのコメント