沖縄（うちなあ）ぬ陸（あぎ）んかいや砂漠（さばく）お無（ね）えらんしが、海（うみ）んかいやあぎさん。
くまあ与那城照間（ゆなぐしくてぃるま）とぅ平安座島（ふぃんざじま）ぬ間（うゑえだ）ぬ海どぅやる。
潮（うしゅ）ぬ満（み）っちょおるばあや海どぅしが、引潮（ふぃちうしゅ）ぬばあや、写真（しゃしん）ぬ如（ぐとぅ）し、「砂漠」風儀（ふうじい）なゆん。
陸ぬ砂漠ぬ綾（あや）あ風（かじ）なかいどぅ作（つく）らりいるむぬやしが、海ぬばあや波（なみ）ぬ跡（あとぅ）どぅやる。
小（くう）さいにいんじ、聞（ち）ちゃる話（はなしい）なかいや、昔（んかし）え、うぬ「砂漠」、歩（あ）っち渡（わた）らりいんでぃ勘違（かんちげ）えさあに、潮ぬ満っちゅる時間（じかん）ぬん分（わ）からな、道中（みちなか＝海中）、んじ溺（んぶ）きてぃ亡（ま）あする人（ちゅ）ん居（をぅ）たんでぃぬ事（くとぅ）。
今（なま）あ海中道路ぬなやあにうんな事（くとぅ）お無（ね）えらん。
また、中学校時分頃迄（ちゅうがっこうじぶんぐるまで）え、うぬ「海砂漠」ぬ上辺（うゎあび）え、がちちゃあぬまんどおたしが、今あ、いいくる、とぅめえららんなとおん。
あまくま埋（う）み立（た）てぃらっとおる故（ゆい）がやら。
筆：比嘉清。
沖縄ぬ陸んかいや砂漠お無えんしが海んかいやあぎさん=沖縄の陸には砂漠はないが海にはあるようだ。
くまあ与那城照間とぅ平安座島ぬ間ぬ海どぅやる＝ここは与那城照間と平安座島の間の海である。
潮ぬ満っちょおるばあや海どぅしが、引潮ぬばあや＝満ち潮の場合は海だが、引き潮の場合は、
写真ぬ如し、「砂漠」風儀なゆん＝写真のように「砂漠」にようになる。
陸ぬ砂漠ぬ綾あ風なかいどぅ作らりいるむぬやしが＝陸の砂漠の模様は風で作られるものだが、
海ぬばあや波ぬ跡どぅやる＝海の場合のそれは波の跡である。
小さいにいんじ、聞ちゃる話なかいや、昔えうぬ「砂漠」＝幼い頃に聞いた話では昔はその砂漠を
歩っち渡らりいんでぃ勘違えさあに、潮ぬ満っちゅる＝歩いて渡れるものと勘違いして潮が満つ
時間ぬん分からな、道中（海中）んじ溺きてぃ＝時間も分からず、渡る途中で溺れて
亡あする人ん居たんでぃぬ事＝亡くなる人もいたとのこと。
今あ海中道路ぬなやあにうんな事お無えらん＝今は海中道路が出来てそんなことはない。
また、中学校時分頃迄え、うぬ「海砂漠」ぬ上辺え＝また中学校の頃まではその「砂漠」の上は、
がちちゃあぬまんどおたしが、今あ＝ウニが沢山いたが、今は、
いいくる、とぅめえららんなとおん＝殆ど、見られなくなった。
あまくま埋み立てぃらっとおる故がやら＝あちこち、埋め立てられているからだろうか。
筆：比嘉清。
この記事へのコメント