くぬ御嶽（うたき）え琉球（るうちゅう）ぬ御立口（うたちくち）ぬ一（てぃい）ちとぅさっとおる所（とぅくる）やん。
今（なま）あ中（なか）んかい入（い）ゆし禁（ち）じらっとおくとう、写真（しゃしん）ぬん抜（ぬ）がらん。
昔（んかし）え琉球王（るうちゅうおう）や代々（でえでえ）、くぬ御嶽ゆ参詣（さんちい）そおたるむぬやしが、摂政（しっしい）羽地朝秀ぬ代（でえ）んじ、うんにい、銭費（じんだあ）りそおたる国（くに）ぬ御倹約（ぐちんやく）ぬ一（てぃい）ちとぅさあにやみたん。
うぬ代（か）わい、斎場御嶽（せえふぁあうたき）からたんから御通（うとぅう）しする事（くとぅ）になたるしいじやん。
島（しま）んかい入（い）いねえ、沖縄（うちなあ）ぬまあにんある島とぅなんぞう変（か）わらんねえ思（うむ）ゆん。
やぐとう、王達（おうたあたあ）ぬ御廻（うまあ）いそおたる面影（うみかじ）んあいがすら分（わ）からん。
やしが、「神（かみ）ぬ島」んでぃ言（い）らっとおる故（ゆい）がやら、観光客お思（うみ）いぬ外（ふか）、まんどおいぎさん。
久高島あ特（か）わとおる所やくとぅ、くぬ後（あとぅ）、四回（ゆけん）びけんや書（か）ち行（い）ちゅる積合（ちむええ）そおん。
筆：比嘉清。
くぬ御嶽え琉球ぬ御立口ぬ一ちとぅさっとおる所やん＝この聖地は琉球発祥の一つとされている。
今あ中んかい入ゆし禁じらっとおくとう、写真ぬん抜がらん＝立ち入り禁止なので撮影できない。
昔え琉球王や代々くぬ御嶽ゆ参詣そおたるむぬやしが＝嘗ては歴代の王はここを参拝していたが、
摂政羽地朝秀ぬ代んじ、うんにい銭費りそおたる＝摂政羽地朝秀の代に当時、逼迫していた
国ぬ御倹約ぬ一ちとぅさあにやみたん＝国の財政緊縮の一環として、廃止された。
うぬ代わい、斎場御嶽から＝代わりに（知念の）斎場御嶽から
御通しする事になたるしいじやん＝遥拝することにしたのである。
島んかい入いねえ、沖縄ぬまあにんある島とぅ＝島に上陸すると沖縄のどこにでもある離島と
なんぞう変わらんねえ思ゆん＝それほど変わっている印象はない。
やぐとう、王達ぬ御廻いそおたる＝なので、昔の王たちが、御廻りしていたという
面影んあいがすら分からん＝面影もあるのかどうか分からない。
やしが、「神ぬ島」んでぃ言らっとおる故がやら＝だが「神の島」という触れ込みのためか、
観光客お思いぬ外、まんどおいぎさん＝環境客は意外に多いようである。
久高島あ特わとおる所やくとぅ、くぬ後、四回びけんや＝久高島については、この後四回ほど、
書ち行ちゅる積合そおん＝投稿する予定である。
筆：比嘉清。
この記事へのコメント