久高島（くだかじま）から眺（なが）みたる沖縄大地（うちなあうふじ）やん。
久高島からあ山原（やんばる）ぬ山々（やまやま）あ見（み）いらんあい、見いゆる中頭（なかぐみ）・島尻（しまじり）んかいや、まぎ山（やま）あ無（ね）えらんしが、大地え長這（ながぼ）うやし、んちゃ、大地ぎさん。
あまん世（ゆう）んじ、琉球（るうちゅう）ぬ久高はじみ浜比嘉島（ばまふじゃじま）んでえぬ離（はなり）んかいうち着（ち）ちゃるアマミん人達（ちゅんちゃあ）にとぅてぃ、大地え如何（ちゃ）ぬ様（ゆう、よう）なむんがやたら。
大地んかい行（い）ち欲（ぶ）しゃんあしが、何（ぬう）ぬあらあ分からんくとぅ、怖（うとぅ）さる所（とぅくる）んやいがすたら。
やしが、アマミん人達や、幾回（いくけ）ぬん大地んかい行（ん）じゃい来(ち）ゃいするうちに、支（ちけ）え無（ね）えらん所やい、また暮（く）らし易（や）っさる所やる事（くとぅ）ぬ分かやい、大地ぬあまくまんかい住（し）むんねえなたる筈（はじ）。
遂（ちい）ねえ大地まじり、けえ掛（か）きやい琉球世（るうちゅうゆう）創（つく）たるしいじがやら。
あんしどぅ、久高あ琉球ぬ大元（うふむとぅ）ぬ一（てぃい）ちとぅがなたらあ。
筆：比嘉清。
久高島から眺みたる沖縄大地やん＝久高島から眺めた沖縄本島である。
久高島からあ山原ぬ山々あ見いらんあい＝久高島からは北部の山々は見えないし、
見いゆる中頭・島尻んかいや、まぎ山あ無えらんしが＝見える中南部には大きな山はないが、
大地え長這うやし、んちゃ、大地ぎさん＝本島は横に長く、いかにも、大地のようである。
あまん世んじ、琉球ぬ久高はじみ浜比嘉島んでえぬ＝はるか大昔、琉球の久高はじめ浜比嘉島等の
離んかいうち着ちゃるアマミん人達にとぅてぃ＝離島に辿り着いたアマミ人達にとって、
大地え如何ぬ様なむんがやたら＝沖縄本島は一体どのようなものだったのだろうか。
大地んかい行ち欲しゃんあしが、何ぬあらあ＝本島に行きたくても、何があるのか
分からんくとぅ、怖さる所んやいがすたら＝分からないので怖い所でもあったのか。
やしが、アマミん人達や、幾回ぬん大地んかい＝だがアマミ人達は幾度となく本島に
行じゃい来ゃいするうちに、支え無えらん所やい＝行き来していうちに安全な所であり、
また暮らし易っさる所やる事ぬ分かやい＝また生活し易い場所であることを学習し、
大地ぬあまくまんかい住むんねえなたる筈＝本島のここかしこに住むようになったのであろうか。
遂ねえ大地まじり、けえ掛きやい＝（そして）遂には、本島全体を支配し、
琉球世創たるしいじがやら＝琉球国時代を創ったのであろうか。
あんしどぅ、久高あ琉球ぬ大元ぬ一ちとぅがなたらあ＝故に久高は琉球創生の大元の一つになったのであろうか。
筆：比嘉清。
この記事へのコメント