去（ん）じゃる旧暦（ちゅうりち、うちなあぐゆみ）ぬ十三日（じゅうんにち）ぬ月（ちち）やん。
５時半（ぐじはん）から６時前（るくじめえ）まんぐらがやたら。
太陽（てぃだ）あ未（なあ）だ落（う）てぃてえ居（をぅ）らたん。
ぬさかてぃから何時（なんどぅち）がなたらあ、いっぺえ、上上（うゐいあ）がとおん。
八重山（いぇえま）ぬ歌（うた）んかい「月（ちち）ぬ美（かい）しゃ十日（とぅか）三日（みいか）」でぃちあい、大和（やまとぅ）ぬ歌んかいん「十三夜」でぃしぬあん。
十三日ぬ月え美（ちゅ）らさんでぃ言（ゆ）しやか、何時（いち）見（ん）ちん、実（じゅん）にふぃるましいむんやん。
昔（んかし）、勝連（かっちん）バーマんでぃぬ人（ちゅ）が御城（うぐしく）ぬ魚小堀（いゆぐむい）ぬ普請（ぶし）ぬんかい勝連賦（かっちんぶう）、引（ふぃ）ち連（ち）りてぃぬ来（ち）ゃるむぬやしが、遅（うく）りやい役人なかい呪（ぬら）あったん。
バーマや「遅りたるうっさあ月ぬ出（ん）じゆる迄（までぃ）、働（はたら）ちゃびいくとぅ、許（ゆる）ちうたびみせえびり」んでぃ詫（わ）びたん。
やしが、うぬ日（ふぃい）や十日月（とぅかじち）やたくとぅ、昼（ふぃる）ぬうちなかい、月ぬぬさかたる為（たみ）なかい、早々（ふぇえべえ）とぅ、普請、上（あ）がゆる事（くとぅ）ぬなたんでぃぬ事（くとぅ）（『よなぐしくの民話』から）。
筆：比嘉清。
去じゃる旧暦ぬ十三日ぬ月やん＝先日の旧暦十三日の月である。
５時半から６時前まんぐらがやたら＝５時半から６時前の間だったろうか。
太陽あ未だ落てぃてえ居らたん＝太陽はまだ、落ちていなかった。
ぬさかてぃから何時がなたらあ＝出てから、どれぐらいの時間が経っのだろうか。
いっぺえ、上上がとおん＝随分と、上まで上がっている。
八重山ぬ歌んかい「月ぬ美しゃ十日三日」でぃちあい＝八重山の歌に「月が美しいのは十三日」とあり、
大和ぬ歌んかいん「十三夜」でぃしぬあん＝本土の歌謡にも「十三夜」というものがある。
十三日ぬ月え美らさんでぃ言しやか＝十三日の月は美しいというより、
何時見ちん、実にふぃるましいむんやん＝いつみても、本当に珍しいと思う。
昔、勝連バーマんでぃぬ人が御城ぬ魚小堀ぬ＝昔、勝連バーマという人が首里城の龍潭池の
普請ぬんかい勝連賦、引ち連りてぃぬ来ゃるむぬやしが＝工事に勝連賦役を連れてきたのでだが、
遅りやい役人なかい呪あったん＝（時間に）遅れてきたので役人に怒られた。
バーマや「遅りたるうっさあ月ぬ出じゆる迄＝バーマは「遅れた分、月ガ出るまで、
働ちゃびいくとぅ許ちうたびみせえびり」んでぃ詫びたん＝働きますのでお許し下さい」と詫びた。
やしが、うぬ日や十日月やたくとぅ、昼ぬうちなかい＝だがその日は十日月だったので昼の内に、
月ぬぬさかたる為なかい、早々とぅ普請＝月が出たために、早々と工事を
上がゆる事ぬなたんでぃぬ事（『よなぐしくの民話』から）＝終える事が出来たとの事（『よなぐしくの民話』より）
筆：比嘉清。
この記事へのコメント