くぬ川（かあら）やなんぞお大（ま）ぎいやあらんしが、飛（とぅ）び鳥達（とぅいたあ）ぬ餌取（むんとぅ）てぃ食（か）むる所（とぅくくる）んやい、遊（あし）び所（どぅくる）んなとおる風儀（ふうじ）。
やしが、まんぐらあ早（ふぇえ）くから大病院（まぎびょうい）ぬん大市場（まぎまちや）んまんどおい、また、毎年（めえにん）、大町（うふまち）んかい成（な）てぃ行（ん）じょおる所やん。
うりに今（なま）あ、又（また）高速道路（こうすくどぅうる）ん空港迄（くうこうまでぃ）行（い）かすんでぃち、朝（あさ）ん夕（ゆ）さん普請（ぶしん）ぬ続（ちぢ）きらっとおん。
いちゃっさ、考（かんげ）えてぃん、くぬ景色（ちいち）え、まんぐらぬ都会（まち）とぅ相応（ふさ）あらん。
うんな周（まあ）いぬ有（あ）り様（さま）んかいや、何（ぬう）ん構（かま）あんようい、飛び鳥達や、揃（すり）てぃ愛々（かながな）あとぅ餌（むん）、突（ち）ちちゃあ突ちちゃあし遊（あし）どおん。
市（し）やうんな飛び鳥ぬ集（あち）まゆる川そうな所ゆ飛び鳥、かげえゆる公園（くういん）とぅする如（ぐとぅ）、吟味（じんみ）しん良（ゆ）たさあ無（ね）えらのおあらに。
町ぬ豊（ゆた）かさや、建物（うふやあ）びけえ増（うゎあ）あする事（くと）あらな、自然（しじん）保（たむ）ちゅる事ん又入用（いりゆう）な事おあらに。
筆：比嘉清。
くぬ川やなんぞお大ぎいやあらんしが、飛び鳥達ぬ＝この川はそれほど大きくないが野鳥の群れが
餌取てぃ食むる所んやい、遊び所んなとおる風儀＝餌を獲って食べ遊ぶ場所になっているようだ。
やしが、まんぐらあ早くから大病院ぬん大市場ん＝だけど、付近は以前から大病院や大市場も
まんどおい、また毎年大町んかい成てぃ行じょおる所やん＝多いし年々都市化が進んでいる所だ。
うりに今あ、又高速道路ん空港迄行かすんでぃち＝それに今は高速道路を空港迄伸ばそうと、
朝ん夕さん普請ぬ続きらっとおん＝日夜、工事が続けられている。
いちゃっさ、考えてぃん、くぬ景色え＝（なので）いくら考えてもこの風景は、
まんぐらぬ都会とぅ相応あらん＝周辺の都会風景とはマッチしない。
うんな周いぬ有り様んかいや、何ん構あんようい＝そんな環境を何ら気にする事もなく、
飛び鳥達や、揃てぃ愛々あとぅ＝野鳥の群れは、互いに仲良く
餌、突ちちゃあ突ちちゃあし遊どおん＝餌を突いて、遊んでいる。
市やうんな飛び鳥ぬ集まゆる川そうな所ゆ飛び鳥＝市はこのような野鳥が集まる川等を野鳥を
かげえゆる公園とぅする如＝保護する公園に指定すべく
吟味しん良たさあ無えらのおあらに＝検討してもよいのではないだろうか。
町ぬ豊かさや、建物びけえ増あする事あらな＝町の豊かさは建物等を増やすだけでなく、
自然保ちゅる事ん又入用な事おあらに＝自然を保護する事もまた必要な事なのではないだろうか。
筆：比嘉清。
この記事へのコメント