遠さからぬ運玉森（八重瀬町）

写真（しゃしん）ぬ真（ま）ん中（なか）ぬ遠（とぅう）くんかい見（み）うしが運玉森（うんたまむい）やん。　

西原町（にしばる）からぬ運玉森ぬ記事（ちじ）え前（めえ）に載（ぬ）したるん。八重瀬町（いゑえじ）からん見（み）いゆん。

糸満（いとぅまん）ぬ一番（いちばん）北（にし）むてぃいから又（また）見いゆん。

形（かたち）ん大和（やまとぅ）ぬ富士山（ふじ）ねえし美（ちゅ）らさい、丈（たき）ん１５８M（ミーター）んあくとぅ、かあま南部（ふぇえむてぃい）からん見（ん）ちん、運玉森やんでぃち分（わ）かゆん。

昔（んかし）ん人（ちゅ）やれえ、うんぐとおる森（むい）んかいや城（ぐしく）けえ造（つく）いぎさあやしが、うんな跡（あとぅ）お無（ね）えらんぎさん。

戦（いくさ）ぬばすお、旧日本軍（やまとぅいくさ）ぬ籠（く）とおたくとぅ、アミリカ軍とぅうすまさ、戦（たた）かたる所（とぅくる）んやんでぃぬ事（くとぅ）。

軍が運玉森、欲（ふ）しゃし取（とぅ）い勝負奪（すうばあ）け合（ええ）さんでぃしやか、軍ぬ籠まい所（どぅくる）なてぃどぅ戦（いくさ）ん起（う）くりたる。沖縄戦（うちないくさ）ぬ起（う）くたしん、旧日本軍ぬあまくまから馳（ふぁ）し集（あち）またくとぅどぅ、アミリカ軍なかいうすまさ攻（し）みらったるばすやる。

軍（いくさ）ぬ集まゆる所お又戦（いくさ）ぬあん。

　筆：比嘉清。

---

写真ぬ真ん中ぬ遠くんかい見ゆしが運玉森やん＝写真中央の遠景にあるのが運玉森である。　

西原町からぬ運玉森ぬ記事え前に載したん＝西原町からの運玉森の記事は以前に投稿した。

八重瀬町からん見いゆん＝八重瀬町からも眺望できる。

糸満ぬ一番北むてぃいから又見いゆん＝糸満の最北端からも見える。

形ん大和ぬ富士山ねえし美らさい＝形も日本の富士山のように美しいし、

丈ん１５８Mんあくとぅ、かあま南部からん見ちん＝標高158Mあるので遥か南部からも見え、

あんし、運玉森やんでぃち分かゆん＝そして運玉森だと分かる。

昔ん人やれえ、うんぐとおる森んかいや＝昔の人ならこれほどの山には

城造いぎさあやしが、うんな跡お無えらんぎさん＝城を築いてしまいそうだがその痕跡等はない。

戦ぬばすお、旧日本軍ぬ籠まとおたくとぅ＝（去る）沖縄戦で旧日本軍が立て籠もっていたので、

アミリカ軍とぅうすまさ、戦かたる所んやんでぃぬ事＝米軍と激しい戦いがあった所でもあった。

軍が運玉森、欲さ4し取い勝負奪け合さんでぃしやか＝両軍がその森を奪い合したといいうより、

軍ぬ籠まい所なてぃどぅ戦ん起くりたる＝日本軍が立て籠ったからこそ戦闘が起きたのである。

沖縄戦ぬ起くたしん、旧日本軍ぬあまくまから＝沖縄戦が起きたのも旧日本軍が海外や全国から

馳し集またくとぅどぅ、アミリカ軍なかい＝集められたからこそ、米軍に

うすまさ攻みらったるばすやる＝激しく、攻撃されたのである。

軍ぬ集まゆる所お又戦ぬあん＝軍隊が集中するところはまた戦闘が起きる所でもある。

筆：比嘉清。