くぬ城址（ぐしくあとぅ）や旧大里村（うふざとぅ）ぬ森（むい）ぬ上（うゐい）んかいあん。
くめえきてぃ見（ん）じいねえ、石垣（いしがち）とぅか石階（いしきざい）んあい、殿内跡（どぅんちあとぅ）ぎさる根石（にいいし）ん見（ん）だりいん。
三山（さんざん）まるちゃる尚巴志が初（はじ）みに攻（し）み滅（ふる）ぶちゃる城（ぐしく）やんでぃ伝（ちて）えらっとおん。
確（たし）かに尚巴志ぬ居（をぅ）たる佐敷（さしち）から近（ちか）さん。
琉球人（うちなあんちゅ）やいいくる、滅ぶちゃる相手（ええてぃ）ぬ城（ぐしく）お自（どぅう）ぬ物（むん）とぅしち使（ちか）らん。（今帰仁城や別）。
やくとぅ、滅ぶさったる城お、いいくる、うんにいぬ侭（まま）やん。
ただ、城内（ぐしくうち）ぬ御嶽（うたき）やうぬ筋（しじ）ぬ人（ちゅ）ん達（ちゃあ）なかい今（なま）ちきてぃ、拝（うが）まっとおん。やしが、城跡（ぐしくとぅ）ゆ美（ちゅ）らくする事迄（くとぅまで）えしゆさんくとぅ、さぼうりかあなとおん。
やしが、東（あがり）むてぃいぬ一所（ちゅとぅくる）お、公園（くういん）とぅしち整（とぅとぅ）いらってぃ、良（い）い遊（あし）び所（どぅくる）なとおん。
筆：比嘉清。
くぬ城址や旧大里村ぬ森ぬ上んかいあん＝この城址は旧大里村の丘の上のある。
くめえきてぃ見じいねえ、石垣とぅか石階んあい＝よくよく見れば、石垣や石の階段もあるし、
殿内跡ぎさる根石？ん見だりいん＝殿内跡のような根石？も見える。
三山まるちゃる尚巴志が初みに＝琉球三山を統一した尚巴志が最初に
攻み滅ぶちゃる城やんでぃ伝えらっとおん＝攻め滅ぼした城だと言い伝えられている。
確かに尚巴志ぬ居たる佐敷から近さん＝確かにも尚巴志の居た佐敷から近い。
琉球人やいいくる、滅ぶちゃる相手ぬ城お＝琉球人は滅ぼした相手の城は
自ぬ物とぅしち使らん（今帰仁城や別）＝自らのものとして使う事はしない（今帰仁城は例外）。
やくとぅ滅ぶさったる城お、いいくるうんにいぬ侭やん＝だから滅ぼされた城は殆ど当時の侭だ。
ただ、城内ぬ御嶽やうぬ筋ぬ人ん達なかい今ちきてぃ＝ただ、城内の拝所は関係者によって今も
拝まっとおん。やしが、城跡ゆ美らくする事迄え＝拝まれている。だが、城址を整備する事は
しゆさんくとぅ、さぼうりかあなとおん＝できないので荒れ放題になている。
やしが、東むてぃいぬ一所お、公園とぅしち整いらってぃ＝だが東側一帯は公園として整備され、
良い遊び所なとおん＝よい遊び場となっている。
筆：比嘉清。
この記事へのコメント