見（み）いゆる景色（ちいち、ちしち）え前（めえ）や佐敷町（さしち）やたる町（今南城市）やん。
あがたあ中城曲（なかぐしくまがい）。
またかあまあがたぬ陸（あぎ）え勝連（かっちん）ぬシマなとおん。
長雨（ながあみ）ぬ明（あ）きてぃ後（あとぅ）ぬ天（てぃん）や澄（し）ん切（ち）りてぃ空海（すらうみ）ぬ色（いる）ん美（ちゅ）らさい、心迄（くくるまでぃ）晴（は）り晴（ば）りとぅなゆん。
長雨ぬばすお、精乱雲（うふなちぐむ）ぬ塊（むる）さあぬ天一杯（てぃんいっぺえ）、居付（いいち）ち、大水（ううみじ）ないるあたいぬやま切（ち）り降（ぶ）いしみたがやあんでぃ思（うみ）いねえ、一晴（ちゅは）りぬばすお、田打（たあう）ち雲（ぐむ）なたいし、うさまさ悪（や）なうゎあちちやん。
やしが、今（なま）から後（あと）お又（また）別（びち）ぬ難義（なんじ）さんでえならん。
太陽（でぃだ）んくゎんくゎんし、晴（は）りとおたむんぬ、ちゅうちゃん、雨雲（あまぐむ）ぬ来（ち）、片降（かたぶ）いしみゆん。
高昼間（たかふるま）まんぐるんじえ、乾（かあ）らちょおたる洗濯物（しんたくむぬ）ぬん濡（ん）過（かあ）けえ成（な）やあに、実（じゅん）にざあふぇえなゆん。
やてぃん、当（あ）たい前（めえ）ぬ事（くとぅ）、長雨やか片降いや、じょういまし。
筆：比嘉清。
見いゆる景色え前佐敷やたる町（今南城市）やん＝見える景色は旧佐敷町（現南城市）である。
あがたあ中城曲＝向う側は中城湾。
またかあまあがたぬ陸え勝連ぬシマなとおん＝またさらに向うは勝連である。
長雨ぬ明きてぃ後ぬ天や澄ん切りてぃ空海ぬ色ん＝梅雨明けの天は空気も澄み切って空海の色も
美らさい、心迄晴り晴りとぅなゆん＝気分の晴れ晴れとする。
長雨ぬばすお精乱雲ぬ塊さあぬ天一杯、居付ち＝梅雨時は積乱雲の群れが空いっぱいに居付き、
大水ないるあたいぬやま切り降いしみたがやあ＝洪水のなるほどの土砂降りさせたか
でぃ思いねえ一晴りぬばすお田打ち雲なたいし＝と思えば、晴れ間時はウロコ雲が現れたりして
うさまさ悪なうゎあちちやん＝すごく、嫌な天候である。
やしが、今から後お又別ぬ難義さんでえならん＝だが、これからは別の苦労が待ち受けている。
太陽んくゎんくゎんし、晴りとおたむんぬ、ちゅうちゃん＝カンカン照りしていたのに、突然、
雨雲ぬ来、片降いしみゆん＝雨雲が発生し、スコールになる。
高昼間まんぐるんじえ、乾らちょおたる洗濯物ぬん＝昼過ぎには乾いていた洗濯物も
濡でぃ過けえ成やあに、実にざあふぇえなゆん＝ずぶぬれになって、実に厄介だ。
やてぃん、当たい前ぬ事、長雨やか片降いや、じょういまし＝それでも、当然、梅雨よりスコールの方がはるかにましだ。
筆：比嘉清。
この記事へのコメント