さんぐゎちゃあぬ浜下（はまう）りいんかい行（い）ちゆさん女（いなぐ）ん達（ちゃあ）が言（い）い訳（わき）し、体頑丈（からたがんじゅう）願（にが）ゆる御嶽（うたき）やんでぃち前（めえ）んかいある立（た）てぃ札（ふだ）んかいや書（か）かっとおん。
うん如（ぐと）おる御嶽ぬあんでえ知（し）らんたん。
今（なま）ぬ世（ゆう）や、いいくる車（くるま）ぬあくとぅ、まあんかい行（い）ちゅしん、便利（びんり）やしが、車ん無（ね）えん昔（んかし）え海（うみ）から遠（とぅう）さる山（やま）ぬ中（みい）んかいあるシマぬ女ん達やれえ、胴易（どぅうやし）く浜下りいすしん、大儀（でえじ）がやたらあん分（わ）からん。
くぬ御嶽ねえし、うんな女ん達が言い訳する所（とぅくる）ぬあれえ、うりん又（また）、「便利なむん」。
同（い）ぬ立てぃ札んかい『琉球国由来記』んかいあぬ「神山ノ御嶽」えあらにんでぃち書かっとおん。
なあ、拝（をぅが）まあぬ少（いき）らくけえなてぃがら、まんぐらあ、さぼうりがなさぼうりとおん。
筆：比嘉清。
さんぐゎちゃあぬ浜下りいんかい行ちゆさん女ん達が＝旧暦３月３日に浜下できない女性達が
言い訳し、体頑丈願ゆる御嶽やんでぃち前んかいある＝お詫びをし、健康を願う御嶽だと前方の
立てぃ札んかいや書かっとおん＝立て札に記されている。
うん如おる御嶽ぬあんでえ知らんたん＝そのような類の御嶽があるとは知らなかった。
今ぬ世や、いいくる車ぬあくとぅ、まあんかい行ちゅしん＝現代は車があるので何処へ行くのも、
便利やしが、車ん無えん昔え海から遠さる＝便利であるが、車のない時代に海から遠く離れた
山ぬ中んかいあるシマぬ女ん達やれえ、胴易く＝山間の集落の女性にとって、簡単に
浜下りすしん、しい難なさらがあたらあん分からん＝浜下りするのも大変だったかも知れない。
くぬ御嶽ねえし、うんな女ん達が言い訳する所ぬ＝この御嶽のように女性らがお詫びをする場所が
あれえ、うりん又、「便利なむん」＝あれば、それもまた「便利なもの」。
同ぬ立てぃ札んかい『琉球国由来記』んかいあぬ＝同じ立て札に『琉球国由来記』にある
「神山ノ御嶽」えあらにんでぃち書かっとおん＝「神山ノ御嶽」ではないかと記されている。
なあ、拝まあぬ少らくけえなてぃがら、＝もう、参拝者が少なくなっているからなのか、
まんぐらあ、さぼうりがなさぼうりとおん＝周辺は荒れ放題になっている。
筆：比嘉清。
この記事へのコメント