案内札（あんねえふだ）んかいやBJINDOでぃちローマ字（じい）書（が）ちいどぅさっとおる。
「女（いなぐ）ん子（ぐゎ）ぬ生（ん）まりいねえ、美（ちゅ）ら影（かあぎ）なゆるぐとぅ願立（ぐゎんた）てぃゆる御嶽（うたき）やん」でぃち、案内札んかい書（か）かっとおん。
男法度（いきがはっとぅ）やたんでぃぬ事（くとぅ）。
今（なま）ん拝（をぅが）まってぃが居（をぅ）ら。
実（じゅん）に色（いる）んな御嶽（うたき）ぬあるむぬやん。
うちなあんちゅお、何事（ぬうぐとぅ）ん神又自然（かみまたしじん）とぅたんかあなやい、拝だい、頼（たぬ）み事（ぐとぅ）さいしち来（ち）ゃるむぬやん。
うちなあんんちゅお、昔（んかし）から人人間（ちゅにんじん）てぃらむぬお、自然なかい生（い）かさっとるむぬやんでぃぬ思（うみ）いぬ強（ちゅう）さん。
やくとぅどぅ、あまんくまんかい、御嶽ぬある。
またシマぬ毎（かあじ）、いいくる二（たあ）ちん三（みい）ちん必じ御嶽ぬあん。
新（みい）シマあ別（びち）やしが。
自然どぅん壊（くう）ちゃい粗相（すそう）さいしいねえ、又（また）人間壊（にんじんくう）すしとぅ同（い）ぬむのおあらに。
うう尊（とお）とぅ。
筆：比嘉清。
案内札んかいやBJINDOでぃちローマ字書ちいどぅさっとおる＝案内板にはBJINDOとローマ字表記されている。
「女ん子ぬ生まりいねえ、美ら影なゆるぐとぅ＝「女子が生まれたら美人になるようにと、
願立てぃゆる御嶽やん」でぃち、案内札んかい書かっとおん=祈る御嶽である」と案内板にある。
男法度やたんでぃぬ事=男子禁制だったとのこと。
今ん拝まってぃが居ら=今も参拝されいるのいるのだろうか。
実に色んな御嶽ぬあるむぬやん＝ほんとうに色んな御嶽があるものだ。
うちなあんちゅお、何事ん神又自然とぅたんかあなやい＝沖縄人は事につけ神や自然と向き合い、
拝だい、頼み事さいしち来ゃるむぬやん＝祈りまた頼みごとをしてきたのである。
うちなあんんちゅお、昔から人人間てぃらむぬお＝沖縄人は古より人間たるものは、
自然なかい生かさっとるむぬやんでぃぬ思いぬ強さん＝自然に生かされてるとの思いが強い。
やくとぅどぅ、あまんくまんかい、御嶽ぬある＝だからこそ、至るところに祈りの場があるのだ。
またシマぬ毎、いいくる二ちん三ちん必じ御嶽ぬあん＝また集落毎に大抵二、三の御嶽がある。
新シマあ別やしが＝新興住宅地は別だが。
自然どぅん壊ちゃい粗相さいしいねえ=自然を壊したり粗末にしたりすることは、
又人間壊すしとぅ同ぬむのおあらに＝また人間を壊すことと同じではないのか。
うう尊とぅ＝ああ尊い。
筆：比嘉清。
この記事へのコメント