首里城東部（那覇市）

　首里城（しゅいぐしく）や今（なま）あ、再（また）ぎれえぬ最中（せえちゅう）やん。

　百浦添（むんだしい、正殿）ぬ所（とぅくる）んかい建（た）てぃらっとおるはんしぬ仮枠（かいわく）ぬ二階（にいけえ）ぬ中（なあか）から抜（ぬ）じぇえる写真（しゃしん）やくとぅ、今（なま）ぬ暇（まあどぅ）どぅ抜がりいる、再ぎれえぬとぅじゅまいねえ、なあ其（ん）んな向（む）ちからぬ写真や抜がらんしいじやん。

　写真ぬ真（ま）ん中（なか）んかい見（み）ゆしえ、うなか御門（うじょう、淑順門）、うぬ右（にじり）ぬ瓦屋（かあらやあ）ぬ御殿（うどぅん）や世誇殿（ゆふくいうどぅん）なとおん。

　かあま東（あがり）ぬあがたぬ石垣（いしがち）ぬ上辺（うゎあび）え、東ぬアザナ。

　やしが、見物（ちんぶち）さあぬまんどおしえ、肝上（ちむうゐい）やん。

　焼（や）きてぃ直（ちゃあき）え、ちゃあがないらあんでぃ、心配（しわ）し、肝（ちむ）ん肝ならんたるむぬ、片心（かたくくる）許（ゆる）ちょおん。

　再ぎれえぬとぅじゅまゆしえ、２０２６年（にん）ぬ秋（あち）やんでぃんぬ事（くとぅ）。

　待（ま）ちかんてぃいや、やしが、うりまでえ、指折（いいびう）いさあに待つしん、又楽（またたぬ）しみやん。

筆：比嘉清。

---

首里城や今あ、再中やん＝首里城は今、再建の最中である。

百浦添（正殿）ぬ所んかい建てぃらっとおるはんしぬ＝正殿の場所に建てられた仮設の

仮枠ぬ二階ぬ中から抜じぇえる写真やくとぅ＝建造物の二階側から撮った写真なので、

今ぬ暇どぅ抜がりいる、再ぎれえぬ＝このタイミングでしか撮れない。再建が

とぅじゅまいねえ、なあ其んな向ちからぬ写真や＝完工すると、もうこの角度からの写真は

抜がらんしいじやん＝撮れないということである。

写真ぬ真ん中んかい見ゆしえ、うなか御門（淑順門）＝写真の真ん中に見えるのは淑順門、

うぬ右ぬ瓦屋ぬ御殿や世誇殿なとおん＝その右の瓦葺きの建物は世誇殿である。

かあま東ぬあがたぬ石垣ぬ上辺え、東ぬアザナ＝ずっと東向こうの石垣の上は東のアザナ。

やしが、見物さあぬまんどおしえ、肝上やん＝そうした中で観光客が多いのは心強い。

焼きてぃ直え、ちゃあがないらあんでぃ、心配し＝焼けた後は、この先どうなるのかと心配し、

肝ん肝ならんたるむぬ、片心許ちょおん＝胸に穴があいた心地であったが、一安心である。

再ぎれえぬとぅじゅまゆしえ２０２６年ぬ秋やんでぃんぬ事＝再建の完工は２０２６年秋との事。

待ちかんてぃいや、やしが、うりまでえ＝待ち遠しが、それ迄は、

指折いさあに待つしん、又楽しみやん＝指折り待つのものまた、楽しみだ。

筆：比嘉清。