くぬ写真（しゃし）ぬんまた、再（また）ぎれえぬ最中（さなか）やる百浦添（むんだしい）囲（かく）てぃ造（つく）らっとおる外（はん）し屋（やあ）ぬ二階（にいけえ）から抜（ぬ）じぇえるむぬやん。
やくとぅ、くぬ景色（ちいち、ちしち）ん、先週（しんしゅう）とぅ写真とぅ同（い）ぬむん、今（なま）ぬ暇（まあどぅ）どぅ抜がりる景色やん。
写真ぬ中（なか）むてぃいぬ彼方（あがた）ん見（み）ゆしえ、歓会門（あめやうじょう）なとおん。
右（にじり）ぬ門（じょう）や城（ぐしく）ん人（ちゅ）ぬ出（ん）じたい入（い）っちゃいそおたる久慶門。
直（し）ぐ前（めえ）や供屋（とぅむや）。
一番左（いちばんふざい）むてぃいや漏刻門。
かあま彼方あ、那覇（なあふぁ）ぬ町（まち）。今（なま）あ諸（むる）、いいくるスラブ屋（やあ）、コンクリート屋やしが、昔（んかし）え町方（まちがた）あ瓦家（かあらやあ）、田舎（いなか）ぎさる所（とぅくる）お茅家（がややあ）どぅやたる筈（はじ）やくとぅ、眺（なが）みえ、当（あ）たい前（めえ）、あい変（か）わとおん。
世（ゆう）とぅとぅむに風景（ちしち）ぬ変わてぃちゅしえ、当たい前やしが、昔物（んかしむん）残（ぬく）ちいかんすぬ肝（ちむ）お、又（また）、実（じち）え自（どぅう）ぬ事（くとぅ）、知（し）らんでぃすぬ肝持（ちむむ）ちとぅ同ぬむぬおあらに。
うんな肝心（ちむぐくる）ぬありわる人（ちゅ）お豊（ゆた）かなゆる。
文：比嘉清。
くぬ写真ぬんまた、再ぎれえぬ最中やる百浦添囲てぃ＝この写真も又、再建中の正殿を囲って
造らっとおる外し屋ぬ二階から抜じぇえるむぬやん＝建てた仮設建物の二階から写したものでだ。
やくとぅ、くぬ景色ん先週とぅ写真とぅ同ぬむん＝だから、この景色も先週のものと同じく、
今ぬ暇どぅ抜がりる景色やん＝今回のような機会にしか撮れないものである。
写真ぬ中むてぃいぬ彼方ん見ゆしえ歓会門なとおん＝写真の中央の向こうに見えるのは歓会門だ。
右ぬ門や城ん人ぬ出じたい入っちゃいそおたる久慶門＝右側の門は官人が出退勤していた久慶門。
直ぐ前や供屋。一番左むてぃいや漏刻門＝すぐ前は供屋。一番左側には漏刻門。
かあま彼方あ那覇ぬ町。今あ諸、いいくるスラブ屋＝ずっと向うは那覇。現在は殆ど、スラブ屋に
コンクリート屋やしが、昔え町方あ瓦家＝コンクリート住宅なのだが、昔は町方は赤瓦家、
田舎ぎさる所お茅家どぅやたる筈やくとぅ＝田舎のような所は茅家だった筈であるから、
眺みえ、当たい前、あい変わとおん＝眺めは、当然ながら、激変してる（だろう）。
世とぅとぅむに風景ぬ変わてぃちゅしえ当たい前やしが＝時代と共に風景が変化するのは当然だが
昔物残ちいかんすぬ肝お又実え自ぬ事＝昔のものを残していこうとする心は、実はまた自分の事を
知らんでぃすぬ肝持ちとぅ同ぬむぬおあらに＝知ろうとする心と同じなのではないのか。
うんな肝心ぬありわる人お豊かなゆる＝そういう精神があってこそ、人間は豊かになれるのである。
文：比嘉清。
この記事へのコメント