宮城島から山原（うるま市）

　高速道路（はやみち）通（とぅう）いねえ、東（あがり）むてぃいんかい、うるま市ぬ離島（はなり）ぬ見（み）ゆん。

　うぬ離島ぬ一（てぃ）てぃやる宮城島（なあぐしくじま）から眺（なが）みたる山原（やんばる）ぬ景色（ちいち、ちしち）やん。

　宮城島や旧与那城町（むとぅぬゆなぐしく）ぬ離（はな）り島（じま）ぬ中（なあか）んじえ、一番（いちばん）、観光化（くゎんこうない）さってえ居（をぅ）らん島（しま）や、あらんがあらんでぃ思（うむ）ゆん。

　島ぬ上辺（うゎあび）え、高台（たかどぅくる）なとおしが、いいくる平原（とうばる）どぅなとおる。

　あんしうぬ平原んかいや、黍敷（畑）（ううじしち、ううじばたき）ぬ連（ち）るがとおん。

　今（なま）、平安座（ふぃんざ）んかいある石油（しちゆ）基地（ちち）ん初（はじみ）え、くまんかい造（つく）ゆる企（くぬ）みぬさっとたんでぃぬ事（くとぅ）やしが、島ん人（ちゅ）ぬ反対さあなかい、ならんたんでぃぬ事やん。

　石油基地ぬなたる御蔭（うかじ）なかい、海中道路（うみみち）ん美（ちゅ）らく成（な）たしるむぬやしが、若者達（わかむんちゃあ）が本島（うふじま）んかい移（うち）てぃ行（い）ちゅしえ、止（とぅ）みららな、与勝（ゆかち）ぬ離島ぬ小学校（しょうがっこう）や平安座ぬ小学校んかいけえ纏（まとぅ）みらっとおん。

筆：比嘉清。

---

高速道路通いねえ東むてぃいんかい、うるま市ぬ離島ぬ見ゆん＝高速を走ると東側に離島を見る。

うぬ離島ぬ一ちやる宮城島から眺みたる山原ぬ景色やん＝その離島の一つ宮城から山原の景色だ。

宮城島や旧与那城町ぬ離り島ぬ中んじえ、一番＝宮城島は旧与那城町の中では、一番、

観光化さってえ居らん島や、あらんがあらんでぃ思ゆん＝観光化されてない島ではないかと思う。

島ぬ上辺え、高台なとおしが、いいくる平原どぅなとおる＝島の高台の天辺は殆ど平原である。

あんしうぬ平原んかいや、黍敷（畑）ぬ連るがとおん＝そして、その平原には砂糖黍畑が広がる。

今、平安座んかいある石油基地ん初え、くまんかい＝今、平安座にある石油基地も当初はここに

造ゆる企みぬさっとたんでぃぬ事やしが＝建設する計画だったらしいのだが、

島ん人ぬ反対さあなかい、ならんたんでぃぬ事やん＝島民の反対で叶わなかったとの事だ。

石油基地ぬなたる御蔭なかい、海中道路ん美く＝石油基地ができたお蔭で海中道路も整備されが、

成たしるむぬやしが、若者達が本島んかい移てぃ行ちゅしえ＝若者達が本島に移ることを

止みららな、与勝ぬ離島ぬ小学校や平安座ぬ小学校んかいけえ纏みらっとおん＝止められず、与勝の離島が平安座に纏められてしまった。

筆：比嘉清。